أثارت المطربة الشعبية رحمة محسن تفاعلًا واسعًا عبر مواقع التواصل الاجتماعي بعد نشرها منشورًا مطولًا على حسابها الرسمي بموقع انستجرام عقب تكريمها في مهرجان The best وحصولها على جائزة أفضل مطربة شعبية.
رحمة محسن: في ناس معاك علشان المصلحة ولما تخلص يدمروك
عبرت رحمة محسن في منشورها عن مشاعرها وتفاصيل معاناتها الشخصية، إلى جانب رسالة أرادت أن تقدمها لجمهورها ولكل من يمر بتجارب مشابهة، وفي رسالتها التي رصدها موقع تحيا مصر قالت رحمة محسن: “مشاعر كثير جوايا من كترها مش قادرة أعبر .. لكن مهم أوي أتكلم عن شويه دروس مستفاده إن الإنسان لازم يتقبل إن نجاحه ممكن يكون بياكل ف قلب ناس مريض .. وإن في أشخاص ممكن ماتنامش الليل لو حسوا إنك ف خير وكرم من ربنا وإن في ناس ممكن تبقي معاك وماسكه فيك علشان إنت عندك المصلحه! لكن لو المصلحه دي خلصت منك هو مش هايسيبك تعيش لازم يبذل أقصي مجهود ممكن يبذله إنسان لتدمير إنسان تاني".
رحمة محسن: مشواري كان كله شقى وأصعب حاجة نآمن ناس خاينين
وتابعت رحمة محسن حديثها: “هنا بقي بيحصل إيه بتحاوطك أعمالك إللي بتتاجر فيها مع ربنا بتسندك مره ما شاركتش فيها ف النميمه علي حد ومره ما ظلمتش حد ومره أكرمت حد ومره سامحت حد ومره راضيت محتاج ومره جبرت بخاطر مكسور، ومره ما قطعتش رزق حد ومره هونت وطبطبت علي حد .. ومره سندت صاحبك ومره راضيت أمك وأبوك .. ومره أكرمت أخوك .. كل حاجه حلوه مهما كانت بسيطه بتحاوطك لما يجتمع بني آدمين علي ظلمك وأذيتك”.
وأضافت: "يمكن إللي بحققه يكون ف نظر ناس كتير بسيط ومش مهم لكن بالنسبالي أنا كبير جدا لإن أنا لوحدي إللي عارفه قد إيه المشوار كان صعب ومتعب وكله شقي .. ف أنا بتمني إن أي حد قابل ناس موذيه وشريره ف حياته ياخد مني عبره .. علشان أخطر حاجه ممكن يتعرضلها أي بني آدم إنه يأمن ناس خاينين .. ويكرم إنسان لئيم .. ممتنه جدا لله إنه دايما يطبطب علي قلبي مهما زادت الشده وكبرت المحنه.. وأتمني يارب إن إللي جاي ف حياتي يكون أطيب وأحن من اللي فات ... الحمد لله الحمد لله الحمد لله".
أزمة فيديوهات رحمة محسن الأخيرة
تأتي كلمات رحمة محسن بعدما كانت قد واجهت خلال الأسابيع الماضية موجة واسعة من الجدل عبر مواقع التواصل الاجتماعي بعد تداول مقاطع مسيئة نُسبت إليها، وسرعان ما خرجت الفنانة لتوضيح موقفها، مؤكدة أن المقاطع مفبركة، وأنها ضحية لمحاولة ابتزاز من قبل طليقها، الذي اتهمته بأنه حاول الضغط عليها ماديًا، مما وضعها في أزمة نفسية وإعلامية كبيرة، وأكدت أنها اتخذت الإجراءات القانونية لحماية نفسها ولوقف التشهير الذي تعرضت له.
0 تعليق