باسم يوسف يشوق الجمهور للحلقة المقبلة في كلمة أخيرة: خطيرة وخايف منها

شوق الإعلامي باسم يوسف الجمهور لـ حلقته المقبلة في برنامج كلمة أخيرة، والذي يقدمه الإعلامي أحمد سالم على قناة أون، والمقرر إذاعتها في مساء يوم الثلاثاء المقبل بتمام الساعة التاسعة.

باسم يوسف يشوق الجمهور للحلقة المقبلة 

وقال باسم يوسف خلال لقاءه مع الإعلامي أحمد سالم في حلقة اليوم، بتصريحات رصدها موقع تحيا مصر: الحلقة الجاية اكتر الحلقات خايف منها والمواضيع اللي هتكلم فيها خطيرة هيطلع عليا بعدها كلام كتير اوي.

وكان قد رصد باسم يوسف خلال تلك الحلقة، تفاصيل لقاءه مع بيرس مورجان، قائلا: دخلت اللقاء كأني داخل عرض أستاند أب كوميدي، والحاجة الوحيدة اللي كانت تحدث في العبث ده هو مزيد من العبث، وكنت داخل مش ضامن أي حاجة خالص، وكنت بتكلم عن السياسة بتشبيهات تافهة بحياة الناس زي ما الكوميديان بيعملوا، مكنش عندي أي معلومات أو شىء يثبت أو ينفي أي شىء أو كلام بيقوله، واللي بيجذب التسلية، حتي لو الموضوع يتعلق بحياة ناس، البني آدم مهما كان كويس عايز شىء يتفرج عليه ويتسلي.

باسم يوسف يكشف كواليس لقاءه مع بيرس مورجان

وعن ردود الفعل من هذا اللقاء، قال باسم يوسف: جزء مني كان مبسوط والجزء الثاني كان حاسس بالذنب عشان واخد اهتمام في وقت ناس تانية تستاهل الاهتمام ده.

وعن اعترافه بأن حماس إرهابية، قال باسم يوسف:  اتسألت حمـ اس إرهابية قولت أه نزلوا الجزء ده من الحوار بدون ما يسمعوا الباقي والدنيا اتقلبت.. انا قولت كدة عشان اي مدافعة عن حـ ماس ممكن يخلي الحوار ينتقل ليهم ومعرفش اتكلم عن القضية واللي بيحصل في أهالي غزة، وكمان كان جزء من الناس مش هتتفرج وده بسبب اني بدافع عن حماس فكانت استراتجية انا عاملها.

باسم يوسف يتحدث عن دور زوجته في حياته

وكان قد تحدث باسم يوسف أيضا عن معاناة زوجته معه، قائلا: مراتي شافت كتير جدًا معايا، والشهرة جابتلها وجع دماغ جدًا.. الشخص اللي هي عرفته قعدت معاه شهرين تقريبًا، فممكن نقول إنها اضحك عليها في الجوازة دي.. هي شافت كل القرف معايا.

أما عن زوجته فتحدثت عن خوفها عليه أثناء دفاعه عن فلسطين، قائلا:  كنت خايفة على باسم أما طلع اتكلم عن فلسطين في البرامج.. في أمريكا اي حد ممكن يروح يشتري سـ لاح ويقتـ ل.