أكد المستشار مرتضى منصور، رئيس نادي الزمالك الأسبق، أنه تقدم رسميًا بأوراق ترشحه لانتخابات مجلس النواب عن دائرة ميت غمر بمحافظة الدقهلية، موضحًا أن قراره جاء استجابة لرغبة عدد كبير من أهالي الدائرة.

وقال مرتضى منصور في تصريحات خاصة لـتحيا مصر: «عدد من المرشحين وأهالي ميت غمر اتكلموا معايا وقالولي لازم تترشح، الناس جربتني مرتين وشافت الشغل اللي اتعمل، وقالولي تعالى كمل، وأنا طالما الناس عايزاني هكمل».

ووجّه رسالة مباشرة إلى النواب الحاليين عن دائرة ميت غمر، قائلًا: «رسالة إلى نواب ميت غمر، يراجعوا نفسهم، لأن في شغل كتير جدًا في الدائرة، وأنا ناوي أفتح كل الملفات الخاصة بالقُرى ونراجعها قرية قرية، لأن ميت غمر فيها شغل محتاج متابعة وجهد».

وأشار منصور إلى أن مكتبه في ميت غمر ظل مفتوحًا أمام المواطنين طوال السنوات الخمس الماضية، لتلقي مطالبهم والعمل على حل مشكلاتهم، مؤكدًا: «مكتبي كان مفتوح دايمًا، وعملنا اللي نقدر عليه، والدليل إن في مجموعة شباب اتعرضوا للنصب، راحوا للنواب محدش ساعدهم، لكني تدخلت وخلصت الموضوع بالكامل».

وفي سياق آخر، تحدث مرتضى منصور عن أوضاع نادي الزمالك، قائلًا: «الزمالك ضاع، والأرض اللي كانت للنادي راحت، أرض بـ11 مليار اتاخدت منهم، وده ملف كبير لازم الناس تعرف حقيقته».

واختتم تصريحاته بالتأكيد على أن هدفه الأساسي هو خدمة أهالي ميت غمر واستكمال ما بدأه من أعمال خدمية وتنموية، قائلًا: «أنا مش بدور على منصب، بدور على خدمة الناس اللي وثقت فيا قبل كده»