بسمة وهبة: أي حد هيغلط في الدين هقل أدبي عليه.. وعيب اللي بيتقال على الصوفية

حرصت الإعلامية بسمة وهبة الرد على مهاجمي الصوفية، وذلك من خلال بث مباشر عبر حسابها الشخصي على موقع تبادل الصور والفيديوهات إنستجرام.

دفاع بسمة وهبة عن الصوفية

وقالت بسمة وهبة في البث المباشر الذي يرصده موقع تحيا مصر: في ناس بتشوه صورة الصوفية وإنها تبع العصر الجاهلي وإن فيهم ناس وحشة، وأنا عاوزه أقولهم عيب اللي بيتقال عن الصوفية، ده طريق تسمو فيه روحك مع ذكر الله والتوسل إلى الله ورسوله، وإحنا بنحب أي حاجه ربنا بيحبهم لأن ربنا بيعزهم وبيحبهم.

وتابعت: كنت عايشة على حبوب المهدئات والاكتئاب في فترة في حياتي ولما عيشت مع الصوفية بدأت روحي تتجلي، بذكر الله ورسوله وإحنا بننشد لسيدنا النبي بعد ما الناس غنت ليه طلع البدر علينا، وده بيخلي روحك معلقة في السماء، والصوفية طريق حلو وجميل ومش هتخسر فيه هتكسب فقط مليان ناس كلها خير ومحبة وبنتقابل في الله وحبه.

بسمة وهبة ترد على منتقدي إقامتها لحلقة ذكر

وفي البث المباشر نفسه حرصت بسمة وهبة الرد على منتقدي إقامتها لحلقة ذكر منذ عدة أيام، وقالت: فيديو صاحبتي اللي عملته كانت مصابة بالسرطان وانتشر في جسمها وكنا عاملين حلقة ذكر عشان نقويها، وكنت بستعين بالله، والسوشيال ميديا كتبوا عناوين غلط إني بقول بحق الشيخ جابر يشفى صاحبتي، وربنا لا يسامحكم لأنهم خدوا الكلام غلط ومنكم لله وأنا ما استعنتش بـ بني آدم أن يشفى صديقتي ومنكم لله عشان أنا كنت بقول حق الشيخ جابر وربنا يشفيها، وأي حد هيغلط في الدين أنا هبقى قليلة الأدب وهقل أدبي عليه وهمرمط بيه الأرض.

بسمة وهبة تعلق على سرقة أحمد سعد بعد حفل زفاف ابنها: ده حسد

وسبق وأن علقت الإعلامية بسمة وهبة خلال لقائها مع برنامج Et بالعربي على واقعة سرقة أحمد سعد خاصةً وأنه تعرض لتلك الواقعة بعد إحيائه حفل زفاف نجلها بساعات قليلة، وأكدت بسمة وهبة أنها ترى ما حدث لـ أحمد سعد سببه الرئيسي هو الحسد من وجهة نظرها، حيث أن الجمهور ورواد مواقع التواصل الاجتماعي تناولوا صور أحمد سعد من حفل زفاف نجل بسمة وهبة وعلقوا على إطلالته والكوليه الذي كان يرتدي وتكلفته تتخطى آلاف الجنيهات.