أعرب الفنان أحمد سعد عن سعادته البالغة بنجاحاته التي حققها مؤخرًا وأخرها ألبوم “الألبوم الحزين”.

وقال أحمد سعد خلال مقطع فيديو شاركه عبر حسابه الرسمي على موقع انستجرام: “انا عندي حالة رضا شديدة جدا، ودوقت حلاوتها، فلما دوقت حلاوتها حسيت انها لازم تفضل موجودة معايا، وعرفت كمان ان حالة الرضا دي بتيجي مش عشان انت نجحت ولكن حالة الرضا دي بتيجي عشان عملت اللي عليك”.

وأضاف: “يعني انا حاسس برضا في الحجات اللي نجحت وفي الحاجات اللي منجحتش، حاسس برضا على اللي وصلتله وقناعاتي وعن كل حاجة بعملها، ومش هو ده المشكلة، المشكلة ان بتتحارب، مش حرب خارجية هي لو خارجية فهي اسهل بكتير ولكن بتتحارب من جواك، انت تقدر ولا متقدرش، انت قد اللي بتقوله ه ولا لا، ايه الشواهد اللي بتقول انك هتوصل، وبصراحة مكنتش بلاقي حاجة غير موهبتي وهي دي اللي انتصرت بالنهاية”.

جدير بالذكر أن، يضم الألبوم الحزين 5 أغنيات تحمل طابعًا عاطفيًا حزينًا، جاءت كالتالي:

“الغاليين” – كلمات حسام سعيد، ألحان إسلام رفعت، توزيع فهد

“اتغابيت” – كلمات وألحان إسلام رفعت، توزيع شريف مكاوي

“وصلت معاك” – كلمات أيمن بهجت قمر، ألحان أحمد سعد، توزيع محمد عاطف

“بينسوا إزاي” – كلمات تامر حسين، ألحان محمدي، توزيع نادر حمدي

“أنا مش فاهمني” – كلمات أحمد عيسى، ألحان مدين، توزيع توما

وتصدرت أغنية "أنا مش فاهمني" للمطرب أحمد سعد ترند محركات البحث وموقع يوتيوب، وذلك بعد طرحها بثلاثة أيام.

وتعتبر أغنية "أنا مش فاهمني" هي التعاون الثالث بين المطرب أحمد سعد والملحن مدين، وقد حاولوا تقديم تجربة حزينة درامية فريدة.