أشادت الإعلامية لمياء فهمي بـ برنامج دولة التلاوة، والذي يعرض حاليا على قناة cbc، مشيرة إلى أنه نموذج يحتذى ويفخر به، ويعد من ارقى التجارب التي تعيد للروح هدوءها.
الإعلامية لمياء فهمي تشيد بـ برنامج دولة التلاوة
وكتبت لمياء فهمي على حسابها الرسمي بموقع تبادل الصور والفيديوهات انستجرام، في منشور رصده موقع تحيا مصر: دولة التلاوة.. نموذج يُفتخر بيه ايه العظمه دي.. برنامج دولة التلاوة واحد من أجمل وأرقى التجارب اللي بتعيد للروح هدوءها، وبتقدم رسالة حقيقية تستحق الاحترام.
وتابعت لمياء فهمي حديثها: اللي بنشوفه على الشاشة مش مجرد حلقات.. ده مجهود كبير مبذول من كل عناصر العمل: من إعداد دقيق، وإخراج راقٍ، وصوتيات مُتقنة، وتصوير بيحترم قدسية اللحظة، وفريق بيشتغل بإخلاص عشان يقدم صورة تليق بكلام الله.
لمياء فهمي عن آية عبد الرحمن: حضور راق وطريقة إلقاء هادئة
وعن آية عبد الرحمن، قالت لمياء فهمي: اما بقي اختي وصديقتي وحبيبتي الغاليه ايه عبد الرحمن ايه جمالك ده، حضور راقٍ، وطريقة إلقاء هادئة، وتقديم بيجمع بين الاحترام والبساطة، وقدرت تحط المشاهد في حالة روحانية جميلة من أول لحظة.. تحية كبيرة لكل شخص شارك في صناعة البرنامج، ولكل يد خلف الكواليس بتشتغل بحب وهدوء عشان يظهر بالشكل المشرف ده، بجد دولة التلاوة مش بس برنامج… ده حالة روحانية بتلمس القلب وتعلّي الذوق وتجمعنا على حب القرآن.
هذا وحرص عدد كبير من نجوم الفن على الإشادة بـ برنامج دولة التلاوة، حيث كتب الفنان حسن الرداد: برنامج دولة التلاوة جميل جدا وهادف واحسن من برامج كتير يتجيب في سيرة ده مين وده ايه واحنا محتاجين مزيد من البرامج الهادفة واللي ليها معنى وبشكر كل القائمين عليه وكل شيوخ الموجودين فيه والصديق الغالي مصطفى حسني.
نجوم الفن يشيدون بـ برنامج دولة التلاوة
وكتبت ليلى علوي: "كل التحية لصناع برنامج دولة التلاوة، مهم وملهم ويستحق المتابعة"، بينما قال مراد مكرم: "عايزين تعرفوا قد إيه مصر ولاده وفى حته تانية؟ الاثباتات كتير اوى، بس تابع برنامج دولة التلاوة، واسمعوا الاصوات وجمالها وقوتها"، في حين قالت شيريهان "بسم الله ماشاء الله، شكراً الدولة المصرية شكراً وزارة الأوقاف إطلاق برنامج دولة التلاوة إحياءً لمكانة التلاوة المصرية في العالم أجمع من الشرق إلى الغرب، وإكتشاف مواهب مصرية جديدة في تجويد وترتيل القرآن الكريم".
0 تعليق