- توك شو
روى الفنان خالد صالح قبل وفاته موقفا كوميديا مع أخوه الأكبر، خلال لقاء سابق له مع الإعلامية منى الشاذلي في برنامجها “معكم”، كشف فيه العمل بالعديد من المهن قبل اللجوء للتمثيل، والتي كانت من ضمنهم المحاماة لمدة شهر واحد، ثم عمله في مصنع حلويات بدأت فكرته بقالب من الكيك.
وقال خالد صالح، خلال البرنامج: "اشتغلت شهر واحد محامي، وفي هذا التوقيت جاء أخي الأكبر وقال لي يا خالد هل أنت حابب المحاماة وحابب تكمل فيها، قولتله لأ، قالي طيب تعالى اشتغل معايا أنا هفتح مصنع حلويات، قولتله معاك يالا بينا، وفي لحظتها طلب مني أجهز طلبات المصنع اللي كانت مفاجأة كوميدية بالنسبة لي، كيلو سكر وكيلو دقيق وقالب زبدة، قولتله هي دي مستلزمات المصنع قالي أيوة، واتكلفت وقتها 5 جنيه، وبالفعل بهذه المكونات جهز أخي قالب كيك".
أضاف: "بعد ما أخويا خلص تجهيز الكيك لقيته بيلفه بفيونكة شكلها حلو كدة وبيغلفه، وقالي مبروك يا عم، قولتله يالا بينا ناكله بقى، قالي لأ ده اللي هتنزل تجيب عليه الطلبات عشان نشتغل".
تابع: "فعلا أخدت قالب الكيك وبقيت ألف بيه على المحلات أعرضه على الناس وأقولهم أنا بعمل قالب الكيك ده مكون من كذا وكذا وسعره كذا، وبالفعل جبت 4 طلبات ورجعت بيهم لأخويا جهزهم وبعناهم".
استكمل:"في خلال 3 سنوات كان عندنا 3 عربيات ومصنع كبير وتوزيع خارجي، كنت أحيانًا بقف في المطبخ لكن معرفتش حتى الآن خلطة الكيكة كانت إيه".
- تكريم حورية فرغلى فى حفل افتتاح مهرجان بردية السينمائى دورة خالد صالح
- تكريم سمية الخشاب في مهرجان بردية السينمائي دورة خالد صالح.. 10 أكتوبر
- نقيب المحامين يهنئ المحامين بمناسبة بدء العام القضائي الجديد
- خالد صالح، "ملك الأدوار الصعبة" في السينما والدراما الذي وجعت قصة وفاته قلب مصر
- رئيس بعثة شباب اليد: وفرنا مقومات النجاح.. وقدمنا ملحمة فى النهائى
