تحدثت الفنانة لقاء الخميسي، عن فعاليات وندوات مهرجان القاهرة السينمائي، وذلك في حفل ختام دورته الـ 46.

لقاء الخميسي في مهرجان القاهرة السينمائي

وقالت الفنانة لقاء الخميسي، خلال حفل ختام مهرجان القاهرة السينمائي في دورته الـ 46، وفقا لما رصده موقع تحيا : كان في ندوات مهمة جدا وهو من اروع المهرجانات وفكر حسين فهمي خطير ماشاء الله دايما متجدد، اختار موضوع السلام لو هقدم فيلم في المهرجان لأن كلنا محتاجين سلام احنا عايشين علشان نتبسط مش لازم خناقات وحروب والحاجات البشعة دي

وتابعت: السينما عندنا كانت من أعظم ما يمكن لكن دلوقتي في تقصير رغم وجود مؤلفين شاطرين جدا ومعرفش التقصير سببه ايه لكني احب ان الافلام اللي بشوفها برا تتعمل هنا وتكسر الدنيا وتطلع برا مصر مش تتعرض في مهرجانات مصر بس وانا بحب المسرح بس السينما بالنسبالي هي الحياة اعتقد اننا محتاجين ميزانيات مادية كبيرة اوي علشان الأفلام تتعرض برا، وكل حاجة مهمة في صناعة الفيلم مينفعش حاجة يكون فيها تقصير

وأضافت: بحب الأفلام الإنسانية والحاجات اللي فيها هدوء مبحبش الخناق وعايزة اعمل حاجات تقول للناس إننا لازم نكون بنحب بعض.

أفلام مهرجان القاهرة السينمائي

وقدم المهرجان هذا العام مجموعة واسعة ومتنوعة من الأعمال السينمائية التي تتنافس ضمن مسابقاته الرسمية وتُعرض في برامجه الموازية، حيث تضم المسابقة الدولية 14 فيلما، والقسم الرسمي خارج المسابقة 15 فيلمًا، بينما تشارك 8 أفلام في مسابقة أسبوع النقاد، و9 أفلام في مسابقة آفاق السينما العربية، و24 فيلما في مسابقة الأفلام القصيرة.

كما يشمل برنامج العروض الخاصة 18 فيلما، والبانوراما الدولية 18 فيلما، وبرنامج عروض منتصف الليل 5 أفلام، إلى جانب برنامج كلاسيكيات القاهرة الذي يعرض 12 فيلما، وبرنامج الأفلام المصرية المرممة الذي يضم 21 فيلمًا، وأخيرًا برنامج البانوراما المصرية خارج المسابقة بمشاركة 6 أفلام.

 مهرجان القاهرة السينمائي

تأسس مهرجان القاهرة السينمائي الدولي عام 1976، ليصبح أول مهرجان سينمائي دولي يُعقد في العالم العربي وأفريقيا، والوحيد في المنطقة الحاصل على اعتماد الاتحاد الدولي لجمعيات منتجي الأفلام (FIAPF). ويُصنف في الفئة "A". ويقام سنويًا تحت رعاية وزارة الثقافة المصرية.