تحدثت الفنانة بسمة، عن لجان التحكيم، وذلك خلال فعاليات حفل ختام مهرجان القاهرة السينمائي الدولي في دورته الـ 46.

بسمة في مهرجان القاهرة السينمائي

وقالت الفنانة بسمة في حفل ختام فعاليات مهرجان القاهرة السينمائي الدولي الدورة الـ 46، وفقا لما رصده موقع تحيا مصر: في حاجات ببساطة ان الفيلم الجيد جيد الصنع بيقدملك حاجة تغذي مشاعرك أو عقلك، أحيانا بيكون في فيلم فيه فكرة صغيرة جدا لكنها تستحق التقدير لان المخرج بيسعى لتقديم حاجة جديدة ومختلفة.

وتابعت: التحكيم في مسابقات دولية او مهرجانات صغيرة بيضيف ويعلم كتير، بتشوفي ناس في بلاد تانيو في العادي مش هتجيلك فرصة تشوفي الأفلام دي وبتفهمي فكرهم ورؤيتهم، كل خبرة تحكيم بتعلمني كتير وبتخليني استفيد اوي والمناقشة مع أعضاء لجنة التحكيم بتفيدني لأن كل حد بيقول اللي في دماغه وبتعرفني انا بفكر ازاي، تجربة التحكيم مختلفة لأنك قاعدة كمتفرج وبتتفرجي في افلام بنتفرج على 3 او 4 افلام في اليوم، وده كتير بسبب انك تقعدي تفصلي بين كل فيلم والتاني وتشوفي برؤية مختلفة.

واضافت: نصيحتي للشباب يقدموا رؤيتهم من خلال العمل اللي بيقدموه ويكونوا حقيقييين مش فزلكة وبس علشان المنتج النهائي يوصل للناس اكتر، ولازم ابقى فاهم بكتب ايه يعني مينفعش ابقى مفهمش حاجة عن الفضاء واكتب عنه لازم يكون عندي خلفية وفاهم وفي الاخراج يكون عندي وجهة نظر في اللي بكتبه.

أفلام مهرجان القاهرة السينمائي

وقدم المهرجان هذا العام مجموعة واسعة ومتنوعة من الأعمال السينمائية التي تتنافس ضمن مسابقاته الرسمية وتُعرض في برامجه الموازية، حيث تضم المسابقة الدولية 14 فيلما، والقسم الرسمي خارج المسابقة 15 فيلمًا، بينما تشارك 8 أفلام في مسابقة أسبوع النقاد، و9 أفلام في مسابقة آفاق السينما العربية، و24 فيلما في مسابقة الأفلام القصيرة.

مهرجان القاهرة السينمائي

كما يشمل برنامج العروض الخاصة 18 فيلما، والبانوراما الدولية 18 فيلما، وبرنامج عروض منتصف الليل 5 أفلام، إلى جانب برنامج كلاسيكيات القاهرة الذي يعرض 12 فيلما، وبرنامج الأفلام المصرية المرممة الذي يضم 21 فيلمًا، وأخيرًا برنامج البانوراما المصرية خارج المسابقة بمشاركة 6 أفلام.