ردّت هنادي مهنا على سؤال الإعلامية شيرين حمدي الذي قالت فيه:"هل تتدخل هنادي مهنا في لبس زوجها أحمد خالد صالح، وممكن تكرهه في حاجة لو مش عاجباها ولا تتركه براحته؟"، قائلة: "بعمل كده جدًا وبعمل كده مع بابا كمان، لدرجة إني كنت بقفل الباب على بابا وأقوله مش هتنزل بالجزمة دي، لكن مش بتدخل طول الوقت لكن لما يبقى فيه حاجة معينة مش عاجباني بقعد أتخانق لحد ما أزهقه أو أنا أزهق". 

أضافت هنادي، خلال حوارها مع برنامج "ستايل توك" الذي تقدمه الإعلامية شيرين حمدي عبر قناة ON، أوقات بعمل أوردر أون لاين وبنسى أنا كنت طالبة إيه، معقبة: "قليل أوي لما بفتكر الأوردر، واللي ببقى فاكراه ببقى قاعدة مستنياه فترة ". 

وتابعت "معنديش مشكلة ألبس أي حاجة مش ماركة ونزلت من زمان جدًا الوكالة، أنا بحب جدًا الأماكن اللي في الشارع خاصة لما بسافر بحس فيها قطع لبس مش مكررة ".