أنوسا كوتة: ابني كنز لسه ميعرفش بوفاة أبوه محمد رحيم ومش ناويه أقوله

2. توك شو

الخميس 06/نوفمبر/2025 - 12:31 ص 11/6/2025 12:31:34 AM

تحدثت أنوسا كوتة مدربة الأسود وأرملة الملحن محمد رحيم عن الحالة النفسية التي تمر بها خلال الفترة الحالية بعد رحيل زوجها من  خلال بودكاست "يمنى النهاردة" تقديم الإعلامية يمني بدراوي.

وكشفت أنوسة عن حقيقة معرفة ابنها كنز بخبر رحيل والده الملحن محمد رحيم قائلة: "لا ميعرفش، وحاسة إني مش هقوله، خايفة أقوله، معنديش حاجة في حياتي أخاف عليها قد كنز، يمكن عشان أنا نفسي لسه مقومتش من الصدمة".

وتحدثت عن وفاة رحيم قائلة، "كان موته صدمة غير طبيعية، الله يغفر له ويرحمه، كان موضوع صعب عليا أني استحمل، لأنه حب عمري، وكان مبسوط بحياتنا".

وأضافت: "يوم وفاته كان يوم صعب ووحش مش عايزة افتكره، بذهب له باستمرار في المدفن، يمكن أنا اكتر حد بروح وبزوره عشان هو يستاهل، أنا ورحيم كنا ملتزمين دينيا جدا، قبل وفاته بشهر كنا بنعمل عمرة".

وعن المبلغ التي دفعته ل محمد بسطاويسي عامل سيرك طنطا بعد أن فقد يديه بسبب الأسد قالت، "طلب ٤٠٠ ألف جنيه ودفعتهم محدش بص إني معيش فلوس وقايمة من حال وفاة، أنا بعت ذهبي عشان أديله الفلوس، كل بيتعامل معايا علي إني مليونيرة، أنا بصدر إني كويسة، لكن تعالو شيلوا شيلتي".