أعلنت قناة mbc مصر عن عودة أبلة فاهيتا على الساحة من جديد، وذلك من خلال برنامج ليلة فونطاستيك، حيث يعرض قريبا على شاشة التليفزيون ومنصة شاهد الإلكترونية.
عودة أبلة فاهيتا من جديدة على شاشة mbc مصر
وطرحت mbc مصر إعلان تشويقي لـ برنامج أبلة فاهيتا الجديد، وظهر به وفقا لما رصده موقع تحيا مصر، أبلة فاهيتا وهي تختار إطلالتها، قائلة: "لا ده ملظظلني، وده مقلوظني، وده بظبظني، وده هيرشني خالص، وده مش مبين مواهبي.. وده مبينهم زيادة".
ومن المقرر عرض برنامج أبلة فاهيتا الجديد في منتصف شهر نوفمبر المقبل، ومن المتوقع أن يحقق العمل نجاحات كبيرة في فترة عرضه.
أبلة فاهيتا في برنامج بيت السعد
يذكر أن أبلة فاهيتا حلت مؤخرا ضيفة على برنامج بيت السعد والذي قدمه كلا من الفنان أحمد سعد والفنان عمرو سعد على شاشة قنوات mbc مصر، وصرحت من خلاله العديد من التصريحات المثيرة والجريئة، قائلة: "الستات أنواعها زي الأفلام بالظبط في الست الوثائقية، دي اللي بتوثق كل حاجة وصريحة وتقول للأعور أنت أعور في عينه بس لا فيه هزار ولا ضحك ولا حاجة خالص.. كلها بالوثائق، وفي ست اللي هي رومانتيك كوميدي دي اللي بتحب على روحها طول النهار، عبيطة وهبلة وتطلع من حفرة تخش في دحديرة بس كله واخداه بالضحكة الحلوة.
وفي نوع اللي هو الاكشن ودي مش بتهمد، طول النهار تلعب رياضتين تطبخ طبختين تشتغل شغلانتين، والنوع الأخير هو النوع الرعب انتقامية ومرعبة.
ماذا قالت أبلة فاهيتا عن برنامجها
أبلة فاهيتا وهو برنامج فكاهي جريء، يستضيف عدد كبير من نجوم الفن ويكشفون جانب مختلف من حياتهم الشخصية، وتحدثت فاهيتا عن هذا الأمر، قائلة: النجوم دول لحم ودم وبيجلهم انتفاخ واكتئاب، بياكلوا ويشربوبوا وبيخافوا من مراتتهم، ودي الحتة اللي أنا بموت فيها حياتهم كبني أدمين، ودي الحتة اللي الجمهور بيحب يشوفهم الضيف عامل زي السمكة البلطي ممكن تطلع منه سوشي وممكن تطلع منه فسيخ.
0 تعليق