حرصت الفنانة هيدي كرم على توجيه رسالة للسيدات فوق سن الأربعين، الذين يحاولون فقدان وزنهم، مؤكدة أن هذا الأمر سيعود عليهم بالسلب، وبالفعل سيفقدون وزنهم ولكن سيعانون من آثار جانبية أخرى، منها فقدان الدهون والكولاجين وزيادة الترهلات.
هيدي كرم توجه نصيحة للسيدات بعد سن الأربعين
وقالت هيدي كريم في فيديو رصده موقع تحيا مصر على حسابها الرسمي بموقع تبادل الصور والفيديوهات: بالنسبة للستات اللي عايزة توصل للوزن المثالي وعدت سن الأربعين، أحب أقولك متحلميش، انتي لو قررت تخسي هتتجهي للحقن أو طرق تانية وهتخسي فعلا، بس هتخسري قصاد ده حاجات كتير اوي، زي الكولاجين والدهون اللي في خدودك وايدك وجنابك.
وتابعت هيدي كرم حديثها: وزنك هيقل بس هتخسري معاه شبابك وهيبقى شكلك من الضهر حلوة وسمبتيك ومن وشك كأن قطر عدى عليكي.
هيدي كرم للسيدات بعد سن الأربعين: حبي نفسك وانتي قلبوظة
وتابعت هيدي كريم حديثها: لو انتي قلبوظة بعد سن الأربعين حبي قلبظتك دي ومجديها.. وحاولي تلعبي رياضة والبسي اللبس اللي يليق عليكي وخدي بالك من شعرك والميكب.. خليكي قلبوظة قمورة.
يذكر أنه سبق ووجهت هيدي كرم نصيحة للسيدات، قالت فيها: بصي يا ست البيت يا قمر احنا مش حقييقيين، احنا إيديت وفوتوشوب، واللي مش كده هتبقى عملية تجميل ونحت أو نفخ أو شفط .. اوعي تقارني نفسك بالست اللي أكل عيشها من ورا شكلها ولبسها.. مش مطلوب منك أبدا تكوني شبه البلوجرز والممثلين دي حياة ودي حياة، ويمكن اللي أنتي فيه أحلى كثير من اللي بتشوفيه.
هيدي كرم في مسلسل وتر حساس 2
يذكر أنه يعرض لـ هيدي كرم في الفترة الحالية مسلسل وتر حساس 2 والذي تخوض بطولته إلى جانب كلا من النجوم غادة عادل، رانيا منصور، نبيل عيسى، كمال أبو رية، محمد محمود عبد العزيز، إلهام وجدى وذلك بجانب نجوم الجزء الأول من العمل، ويتم عرضه على شاشة قنوات أون من الأحد إلى الخميس من كل أسبوع في تمام الساعة السابعة والنصف مساء، ويحقق العمل نجاحات كبيرة خلال فترة عرضه.
0 تعليق