أثارت الفنانة سما المصري حالة من القلق بين متابعيها، بعد إعلانها عن تعرضها لوعكة صحية جديدة، نقلت على إثرها إلى المستشفى، وسط استمرار الفحوصات والتحاليل الطبية لمعرفة السبب الدقيق لما تعانيه من آلام متكررة ومقلقة.

سما المصري تعلن تعرضها لوعكة صحية جديدة

ونشرت سما المصري عبر حسابها الرسمي على انستجرام صورة من داخل أحد المستشفيات رصدها موقع تحيا مصر، معلقة: “ربنا يشفيني ويشفي كل مريض يارب... اليوم من المستشفى ولسه التحاليل والأشعات مستمرة لمعرفة سبب الألم... ادعولي... ربنا كريم، وكل اللي يجيبه حلو... الحمد لله” ويعد خضوع سما المصري للفحوصات والأشعة امتداد لمعاناة صحية طويلة كشفت عنها سما في منشورات سابقة، حيث أشارت إلى إصابتها بمشكلات مزمنة في الكلى، تفاقمت بشكل كبير مؤخرًا، ما أثر على قدرتها الحركية وأدخلها في دوامة من الألم والإرهاق الجسدي والنفسي.

حصوات على الكلى.. سما المصري تكشف عن مرضها 

وفي منشور سابق كانت سما قد عبّرت عن استيائها من تدهور حالتها الصحية، وكتبت:
"وبعدين في الأملاح والصديد والحصوات اللي على الكلى اللي مش عايزة تخف دي؟ كل يوم كده؟ الموضوع ده معايا من سنين، بس زاد أوي أوي، زهقت والله… رجليا مش حاسة بيها، وتقل وحرقان في القدمين، غير وجع الكلى... ربنا ما يوريكوا."

وختمت منشوراتها بالدعاء قائلة: "الحمد لله، كل اللي يجيبه ربنا حلو… اللهم لا أسألك رد القضاء ولكن أسألك اللطف فيه. يا رب اشفيني أنا وكل اللي زيي."

سما المصري تدعو لمرتضى منصور بالشفاء 

ومن جهة أخرى كانت وجّهت سما المصري رسالة دعم للمستشار مرتضى منصور، رئيس نادي الزمالك السابق، بعد أنباء عن تعرضه لوعكة صحية، في خطوة مفاجئة لعدد من متابعيها، خصوصًا بعد الخلافات القانونية التي جمعتهما سابقًا، وكتبت عبر "فيسبوك": "ربنا يشفي المستشار مرتضى منصور يا رب، هو وكل اللي زيه، يقومه بالسلامة بحق صلحه معايا وتنازله عن كل القضايا بتاعته ضدي… أنا ما انساش اللي وقف معايا زي المستشار مرتضى، وبرضو مش ناسية الأندال اللي اتخلوا عني وسابوني… يا رب اشفي كل مريض شفاء لا يغادر سقما، اشفيه واشفيني يا رب... آمين."