تحدث الفنان أحمد سعد عن سبب عودته لطليقته علياء بسيوني والذي أعلن عن خطوبته لها مرة أخرى بعد فترة انفصال دامت طويلا بسبب حدوث خلافات زوجية كبير بينهم لكنه تم بتحضر واحترم الثنائى بعضهم البعض وظلت علاقة الود والمحبة بينهم.
أحمد سعد يكشف سبب عودته لطليقته علياء بسيوني
وقال أحمد سعد خلال لقاءه مع قناة et بالعربي في تصريحات رصدها موقع تحيا مصر: مهما كان الناس بينهم خلافات أو مشاكل أو ناس غلطت في نرفزة، ليه منديش بعض فرصة جديدة، احنا بينا عيال وحتى العيال دي تحس أننا عملنا اللي علينا، أنا رجعتلها عشان عارف أن الحياة بيها احسن وهي كمان عارفة أن حياتها بيا أحسن.
وكان قد أعلن أحمد سعد عن عودته لطليقته علياء بسيوني، قائلا: قررنا نعمل فترة خطوبة نعرف بعض أكتر، وهنبدأ حياة جديدة، وأنا عندي رسالة لـ أي أزواج إطلقوا إنهم يدوا لنفسهم فرصة تانية بعيدة عن أي مشاكل.
طلاق أحمد سعد وعلياء بسيوني
وكانت قد أعلنت علياء بسيوني طلاقها من الفنان أحمد سعد، قائلة: تم الطلاق بيني وبين أحمد من شوية بناءً على رغبته.. حابة أشكر أحمد جدًا على أصله الغير طيب ومعدنه السئ وحابه اقوله شكرًا على قرارك اللحظي الغير موفق في خراب بيتنا وتدمير أسرتنا الجميلة، اللي أنا حقيقي تعبت فيها لوحدي تمامًا وحاولت وعديت بمواقف مفيش حد في مكاني يقبلها عشان الأسرة دي.
واضافت: عشان المشوار اللي أنا ابتديته ومكنتش حابه إنه ينتهي.. شكرًا على توقيتك الجميل وأنا قاعدة ببنتي 3 أيام وأنت مش عارف حاجة عشان مشغول في الساحل وخروجات وبعدها شغلك، أكبر شكر على المقلب اللي أنا أخدته في العلاقة دي واللي كنت فاهمه إن ليها قيمة ببني وبضحي وبتنازل عشانها وانت طلعتها ولا تسوى وربنا معايا أنا وبناتي في اللي جاي وينتقم منك ويديلك على قد كل حاجة حصلت.
زواج أحمد سعد وعلياء بسيوني
يذكر، أنه تزوج الفنان أحمد سعد من مصممة الأزياء علياء بسيوني في 21 أغسطس 2021، بعد أن التقيا في عيد ميلادها الذي أحياه المطرب الشعبي عمر كمال، والتقط أحمد سعد صورًا مع علياء بهذه المناسبة. وطاردتهما الشائعات لأشهر حتى أعلنا خطوبتهما. وترددت شائعات عن انفصالهما في الأشهر الماضية، لكن أحمد سعد نفى جميعها عبر تصريحات ولقاءات تلفزيونية.
