ياسمين عز: الست الحقيقية تعرف تكسب قلب زوجها

قالت الإعلامية ياسمين عز، إن سر الملوخية الشهية يكمن في المكونات الطازجة، مؤكدة أن الملوخية الناشفة أو الرز السيء الجودة لن يرضي أي أسرة، وأضافت: "لما تكون ملوخيتك ساقطة ورزك شايط، متروحيش تقولي للناس ده جوزي بيعشقني جوزك مسحور يا شيماء"

الست الأصيلة تعرف تخطف قلب زوجها

واستطردت ياسمين عز، خلال حلقة برنامجها "كلام الناس" المذاع عبر قناة MBC مصر،في نصائحها للنساء، مشيرة إلى أن الست الحقيقية تعرف كيف تكسب قلب زوجها حتى من أبعد الأماكن، قائلة: "الست الأصيلة بتروح تخطف رجلها لحد الفيوم، حتى تقطف الملوخية من هناك! الفيوم أو المنيا، مفيش حاجة اسمها ملوخية ناشفة!"

الاهتمام والحب في المطبخ يعكس العلاقة الأسرية

وأكدت أن الاهتمام بالطبخ وتحضير المكونات الطازجة يعكس حب المرأة لرجلها وأفراد أسرتها، وأن الطبخ ليس مجرد مهمة يومية، بل وسيلة لإظهار التقدير والاهتمام، وأضافت: "النكهة الحقيقية مش بس في الملوخية، لكن في الحب اللي بتحطيه في الأكلة".

رسالة للنساء: الطعم والحب أهم من المظاهر

وختمت ياسمين عز حديثها بنصيحة لكل النساء، قائلة: "مفيش وصفة سحرية إلا المكونات الطازجة والحب اللي بتحطيه، ده سر أي أكلة ناجحة وجوزك هيحس بالفرق".

وفي وقت سابق، حذرت الإعلامية ياسمين عز من التقلبات الجوية الحالية، مؤكدة أن الطقس لا يزال شتويًا، خاصة في ساعات الليل، رغم ارتفاع درجات الحرارة خلال النهار. 

وقالت عز:"الطقس متقلب جدًا دلوقتي، الصبح تحس بالدفء والنهار جميل، وبالليل تبقى البرودة شديدة نصيحتي ليكم، ما تلبسوش كتير الصبح وما تقلعوش بالليل، إحنا لسه في الشتا ولسه الصيف ما وصلش!"

وأكدت أن البرودة الليلية لا تسمح بالتراخي في ارتداء الملابس، موضحة أن تجاهل هذه التقلبات قد يؤدي إلى نزلات برد ومشكلات صحية، مضيفة: مش معقول تتعاملوا وكأن الصيف بدأ.. البرودة الليلية لسه واضحة ولازم ناخد بالنا ".

ووجهت ياسمين عز رسالة للسيدات، دعتهم فيها للاهتمام بالوجبات الدافئة خلال هذه الفترة، وقالت:"قبل ما الشتا يخلص، اعملي لجوزك النهاردة بالليل طبق دافي، حتى لو بسيطة ممكن القدسية أو أي مشروب شتوي تحبيه، أو حتى أرز باللبن ساخن، سحلب بالمكسرات، أو شاي بالنعناع  دي حاجات بسيطة لكنها بتخلي الجو دافي والأجواء أسرية ".