ياسمين عز: بلاش محشي وبط أول يوم رمضان.. ولو قمر الدين زعل نرضيه

قالت الإعلامية ياسمين عز، إن شهر رمضان لا يجب أن يبدأ بالمبالغة في تحضير الأطعمة الثقيلة، مؤكدة أن البساطة في أول يوم تعكس روح الشهر ومعانيه الحقيقية، بعيدًا عن المظاهر والاستعراض.

وأضافت ياسمين عز، خلال تقديمها برنامج «كلام الناس» المذاع عبر قناة MBC مصر، قائلة:«كل سنة وحضراتكم طيبين، وكل سنة وانتي طيبة يا شيماء، بس بلاش تبقي تقليدية وتعملي محشي وبط أول يوم رمضان».

 خلوا أول يوم خفيف علشان نحس بروح الشهر 

وأوضحت ياسمين عز أن رمضان شهر إحساس ومشاركة، وليس مجرد موائد ممتلئة، مشيرة إلى أن تناول أكلات بسيطة في أول يوم يساعد على الإحساس بالفقراء ومعايشة أجواء الشهر بشكل أقرب لمعناه الحقيقي.

وتابعت قائلة:«اعملي فول وباذنجان أول يوم، علشان تخليهم يحسو بالفقراء، وتحس إن رمضان مش بس أكل، ده شعور».

 ولو جوزك زعل.. الحل موجود 

وفي سياق حديثها بطريقتها الساخرة، وجهت ياسمين عز نصيحة للسيدات حول كيفية التوازن بين بساطة المائدة وإرضاء أفراد الأسرة، قائلة:«ولو جوزك قمر الدين زعل، ممكن تعملي سمبوسك وشوية شوربة، علشان ما يزعلش».

وأكدت ياسمين عز أن الاعتدال في تحضير الطعام ينعكس بشكل إيجابي على أجواء الأسرة، مشددة على أن التدرج في الأكلات أفضل من البدء بأطعمة دسمة ترهق الجسد من أول يوم.

واختتمت حديثها بالتأكيد على أن رمضان فرصة لإعادة ترتيب العادات اليومية، قائلة:«رمضان مش محتاج سفرة تقيلة من أول يوم.. محتاج نية حلوة وإحساس بالناس».

وفي وقت سابق، حذرت الإعلامية ياسمين عز من التقلبات الجوية الحالية، مؤكدة أن الطقس لا يزال شتويًا، خاصة في ساعات الليل، رغم ارتفاع درجات الحرارة خلال النهار. 

وقالت عز:"الطقس متقلب جدًا دلوقتي، الصبح تحس بالدفء والنهار جميل، وبالليل تبقى البرودة شديدة  نصيحتي ليكم، ما تلبسوش كتير الصبح وما تقلعوش بالليل، إحنا لسه في الشتا ولسه الصيف ما وصلش

وأكدت أن البرودة الليلية لا تسمح بالتراخي في ارتداء الملابس، موضحة أن تجاهل هذه التقلبات قد يؤدي إلى نزلات برد ومشكلات صحية، مضيفة: مش معقول تتعاملوا وكأن الصيف بدأ.. البرودة الليلية لسه واضحة ولازم ناخد بالنا ".