تحدث المخرج عمرو سلامة عن برنامج كاستينج وكيفية اختيار وفرز المواهب المشاركين في هذه التجربة، متطرقا بحديثه عن بدايته الفنية وكيف كانت من خلال خوض تجربة التمثيل لأول مرة.

عمرو سلامة: رفضنا اي حد باعت فيديو من التيك توك للمشاركة في برنامج كاستينج 

وقال عمرو سلامة خلال لقاءه مع الإعلامية فاطمة مصطفى في برنامج الراديو بيضحك والمذاع على راديو 9090 ورصده موقع تحيا مصر: في 16 ألف شخص قدموا في برنامج كاستينج وأول قاعدة قولتها مش هتفرج على حد باعت فيديو من التيك توك.. انك بتحرك بوقك على حاجة ده مش تمثيل ولا هعرف احس بيه، احنا طلبنا بشكل صريح مشهد تمثيلي وده مش بعتبره مشهد تمثيلي.

وتابع عمرو سلامة حديثه، قائلا: العدد كان رهيب وكنا خايفين جدا نظلم أي حد، احنا يعتبر بصينا على كل الناس وفلترناهم واختارنا منهم اللي يصلح، وبعدها قولنا نعمل يوم اوديشن للي اخترناهم نعرف منها اكتر، وبعدها عملنا يومين لأحسن 300 واحد وبعدين اختارنا 55 ممثل ومنهم قعدنا نصفي لحد ما وصلنا  لعدد أقل ونفس أقول لكل واحد من اللي مقدمين في برنامج كاستينج انا حاسس بده بالظبط  وأنا عارف ده.

عمرو سلامة يكشف بدايته الفنية 

وكان قد كشف عمرو سلامة عن بدايته الفنية، قائلا: أول حاجة بدأتها في العالم ده كان من خلال التمثيل عملت دور صغير وبعد كدة اشتركت في المسارح ففاهم احساس الشخص اللي بيبدأ واللي عنده حيرة جدا يخبط على أنهو بابا، وأكثر سؤال بتسأله ندخل المجال ده ازاي، مفيش وصفة سحرية لدخول المجال ده.

ومن المقرر عرض حلقة جديدة من برنامج كاستيج في مساء اليوم الخميس وذلك على شاشة قنوات dmc لمواصلة اختيار مواهب جدد لتقديم أعمال فنية بالتعاون مع الشركة المتحدة للخدمات الإعلامية خلال الفترة القليلة المقبلة.

تفاصيل برنامج كاستنج 

جدير بالذكر، أن برنامج كاستنج يُعرض عبر شاشة قناة dmc يومي الخميس والجمعة في تمام الساعة العاشرة مساءً، ونال برنامج كاستنج إعجاب عدد كبير من الجمهور خاصةً محبين عالم الفن والتمثيل حيث أنه يقوم على هذه الفكرة، وهي فتح الأبواب أمام الشباب الموهوبين في التمثيل للخوض هذه التجربة والفائزين يشاركون في الأعمال الفنية، ويأتي برنامج كاستنج تقديم وفكرة المخرج عمرو سلامة، ونال برنامج كاستنج صدى واسع منذ الإعلان عنه وطرح أولى حلقاته ويعود ذلك لاختلاف فكرته.