تفاعل العديد من رواد السوشيال ميديا في واقعة تعدى شاب على فتاة بالتحرش، ولمس جسدها خلال استقلالها ميكروباصًا بمنطقة عين شمس.

فتاة تطالب بحقها بضبط متحرش بعين شمس

وقالت الفتاة، عبر صفحتها على مواقع التواصل الاجتماعي: "عمرى ما كنت أتصور إنى هعمل بوست لده ولكن عشان أبقى وصلت لكل الوسائل المتاحة إنى أجيب حقى ومتأكدة، كنت راجعة أنا وأمي في ميكروباص في شارع أحمد عصمت بمنطقة عين شمس وتعرضت للتحرش من شاب".

وروت الفتاة تفاصيل الواقعة قائلة: "في الميكروباص أنا قاعدة على الكرسى القلاب اللى قبل الكنبة وماما قاعدة قدامى، الشخص اللى موجود فى الصورة كان قاعد ورايا عالكنبة وأنا كنت قاعدة بالجنب عشان الكرسى ده معروف إنه ضيق فامايكونش ساند على اللى ورايا فاقاعدة يعتبر ضهرى للشباك وقاعدة تقريبًا بجنبى الشخص ده مد إيده من ورا الكرسى ولمسنى فأنا محستش بنفسى غير وأنا بلف وبمسكه من هدومه وبضربه بشنطتى ووقفوا الميكروباص وأغلب الميكروباص كان ستات وللأمانة كلهم ماحدش اتحرك ولا نزل وكله كان معايا وأنا رفضت كل الرفض إني أنزله ومكاني كان مانعه أن يعرف ينزل".

وتابعت أنها تفاجأت بعدد من الرجال في الشارع حاولوا التدخل محاولين تهريبه مستخدمين عبارات مثل "ماعندكيش أولاد شباب دى كانت لأمى، اعتبريه أخوكى، شكله راجل محترم، إهدى يا أبله" إلى جانب عدد من الكلمات التي تسيء لها وأنها تفتعل أزمة، موضحة أنهم حاولوا سحبه من الشباك لتهريبه مع استمرارها بالإمساك بملابسه حتى تمزيقت ولكنهم نجحوا في تهريبه. 

ونشرت الفتاة صورة الشاب وطالبت بالقبض عليه ومعاقبته جنائيًا بتهمة التحرش، ومن ناحية أخرى، تفحص الأجهزة الأمنية المنشور لكشف ملابسات الواقعة.