خرجت الفنانة يسرا لأول مرة للرد على منتقدي تصريحاتها عن المخرج يوسف شاهين في مهرجان الجونة السينمائي، ودخول عليها غرفة النوم، مشيرة "طبعا خد اللي هو عايزه 100%"، وهو الأمر الذي قابله الجمهور ورواد مواقع التواصل الاجتماعي المختلفة، بهجوم كبير على الفنانة.
يسرا ترد على منتقدي تصريحاتها عن يوسف شاهين
وقالت يسرا خلال لقاءها مع et بالعربي، ورصده موقع تحيا مصر: هما قاصدين انهم يعملوا كدة، ومبحسبش الكلام الفارغ اللي هما بيقولوه.. أنا مبهتمش بالناس اللي بتحاول تشوهني لأن معروف هما عايزين اي.
وأكدت يسرا أن مشاركتها في السباق الرمضاني المقبل شيء سري للغاية، موضحة: "لحد دلوقتي مبدأتش فيه، لما ابتدي شغل إن شاء الله هعلن عنه، وحضرت فيه حاجات كتير مش بس قراءة السيناريو، ورامي إمام اعتذر عنه لكن معايا عبد العزيز النجار مخرج جميل وحبيت أعماله ومتحمسة للتعاون معاه".
تصريحات يسرا عن يوسف شاهين في مهرجان الجونة
وكانت قد تحدثت يسرا عن يوسف شاهين، خلال ندوتها في مهرجان الجونة السينمائي الدولي، قائلة: كنت ساكنة وقتها عند خالتي، وفجأة لقيت يوسف شاهين بيخبط ويدخل عليا أوضة النوم، خالتي اتفزعت وبتقولي مين ده وازاي يدخل كده؟ قولتلها ده الأستاذ، يعمل اللي هو عايزه.”
وأضافت يسرا وهي تضحك وسط تفاعل كبير من الحضور بعد سؤال أحد الحاضرين: “و عمل اللي هو عايزه؟"، وقالت: طبعًا، ده الأستاذ يوسف شاهين، مفيش كلام بعد كده.”
يسرا تنتظر عرض فيلم الست لما
هذا وتنتظر يسرا عرض فيلم الست لما، والذي تدور أحداثه في إطار اجتماعي لايت يتناول قضايا المرأة وتحدياتها في المجتمع المعاصر، حيث تجسد يسرا شخصية إعلامية قوية تخوض نضالًا نسويًا من أجل الدفاع عن حقوق النساء ومساندتهن، ويضم الفيلم عددًا من النجوم كضيوف شرف، في تجربة تجمع بين الكوميديا والدراما وتعيد يسرا إلى شاشة السينما بعد فترة من التركيز على الدراما التلفزيونية، ومن المقرر أن يحقق العمل نجاحات كبيرة خلال فترة عرضه حيث ينتظره عدد كبير من الجمهور ورواد مواقع التواصل الاجتماعي.
0 تعليق