أحمد خالد صالح يكشف موقف والده من دخوله الفن (فيديو)

2. توك شو

تحدث الفنان أحمد خالد صالح، نجل الفنان الراحل خالد صالح، بمناسبة ذكرى رحيله عن موقف والده من قرار دخوله الوسط الفني، وذلك خلال لقاء سابق له مع الإعلامية منى الشاذلي في برنامجها معكم منى الشاذلي، لافتًا إلى رفض والده التام في التوسط له لدخول أي عمل ولو من باب التجربة، قائلا : "أنا ممثلتش أبدًا وبابا عايش، كنت كل ما أتكلم معاه في الموضوع ده يقولي روح اسعى واتمرمط وتعلالي وأنت شقيان، ومالحقتش أعمل ده وامثل قدامه، خاصة أنه ماتوسطليش أبدًا في أي دور".

وأضاف: "أحيانًا لما بفكر مع نفسي بقول غريب أوي لما أكون داخل المجال وحابب الشغل فيه ووالدي رحمه الله عليه بهذه الخبرة وهذا الحجم وهذه الموهبة وماتعاملش بشكل مباشر في إنه علمني التمثيل".

وتابع: "افتكر في مرة قولتله يا بابا ماينفعش أروح أخد ورش واتعلم مع ناس تانية وحضرتك موجود في البيت الناس هتقول عليَا إيه، وقتها كان مسافر وأعطاني مونولوج أحفظه وأقدمه لما يرجع من السفر، وبالفعل لما عملت المونولوج قدامه ومركز فيه وفتحت عيني فجأة قدامه لقيته مغمض عينه، معلقتش على الموضوع وكملت المونولوج للآخر، وبسأله عن رأيه قالي تمام وسابني ومشي، وقتها مفهمتش أنا وحش ولا حلو، فـاستنيت لما رجع من الشغل وسألته هل أنا وحش أشوف مجال تاني ولا حلو، كان رده غريب جدًا.. رد وقالي أنا خايف تطلع شاطر، وغمضت عيني عشان أسمع إحساسك بالكلام والشخصية".