كشف الفنان أشرف عبدالباقي عن كواليس تحضيره لشخصية "عزت" في مسلسل "ولد بنت شايب"، مؤكدًا أن الشخصية مستوحاة من شخصيات حقيقية من محيطه الاجتماعي، وليست مجرد خيال درامي أو اقتباس من أعمال فنية أخرى.
وقال "عبدالباقي" خلال برنامج "صاحبة السعادة" المُذاع على قناة "dmc": "ذاكرت الشخصية من الناس اللي حوالينا، من ضمنهم والدي الله يرحمه، اللي في أواخر أيامه كان بينسى أو مش بيركز، وناس تانية أعرفهم، شخصيات حقيقية عشنا معاهم وشوفنا طريقتهم في الكلام والمشي، زي قريبي الكبير في السن اللي دايمًا كان ماشي وحاطط إيده ورا ضهره كأنها بتسنده".
وأضاف أن تفاصيل الشخصية، من طريقة المشي إلى نبرة الصوت وحتى مظهره الخارجي، كلها مستوحاة من الواقع، موضحًا: "سبت شعري يطول، ودقني تبقى مش مهذبة، لأنه مش مهتم بنفسه، لكن لما الولد والبنت جم البيت بدأ يهتم شوية، يلبس الروب وتحته القميص، وده كله بالتعاون مع زينة كمخرجة، والستايلست اللي ساعدتنا في اختيار اللبس الكلاسيكي اللي بيعكس حالة الراجل اللي لسه عايش في زمنه القديم".
وأضاف: "الرسالة اللي عجبتني جدًا في الدور إن مهما كان الخلاف بين الأولاد وأهاليهم، ما ينفعش يبقوا قاسين عليهم أو ينسوهم، الأب والأم كنز، ومينفعش نسيبهم أو ما نسألش عليهم".
وأكد أهمية تقديم هذه الرسائل الإنسانية في الدراما، لأنها تمس وجدان المشاهد وتعيد التذكير بقيم الرحمة والوفاء والبر، مشيرًا إلى أن شخصية "عزت" كانت من الأدوار التي أحبها وحرص على تقديمها بصدق شديد.
