الثلاثاء 18/نوفمبر/2025 - 08:06 م 11/18/2025 8:06:54 PM
قال الرئيس عبدالفتاح السيسي، إن الانتخابات عبارة عن انتقاء يقوم بها الشعب المصري لمن سيمثلونهم.
وأضاف الرئيس السيسي، في كلمته خلال اختبارات كشف الهيئة للطلبة والطالبات المُتقدمين للالتحاق بأكاديمية الشرطة، نقلتها قناة "إكسترا نيوز": "لو جيت وإديتك أنبوبة بوتاجاز أو بون أو إديتك فلوس أو إديتك أي حاجة عشان تختار واحد غير صالح.. التمن ده إنت كده مخدتش حاجة المبلغ اللي إنت خدته ده ولا حاجة ده ميساويش حاجة في إنك تمكن إنسان غير صالح وتخليه هو صوتك وصوت المصلحة بتاعة بلدك تبقى في رقبته".
وتابع الرئيس السيسي: "لو إنت عندك من الوعي وفاهم قد إيه أهمية انتقائك واختيارك لناس نجيبة وشريفة ومخلصة وأمينة وواعية ومتعلمة قد إيه ده غالي قوي، النهارده إنت بتقول مثلًا في الانتخابات هقولك خد فلوس وانتخبني أو انتخب فلان وده مش كويس اوعى تعمل كده إنت هتمكن حد من مستقبل 120 مليون وهو أحمق أو متخلف أو جاهل أو متردد أو مش فاهم أو مش جاهز إزاي.. ده يقلقك جدًا.. والله لو إنت جيت تنتقي لمصر سواء في البرلمان أو في الرئاسة أو في أي وظيفة من الوظائف الكبيرة اللي هتؤثر على البلد دي تخليك تفكر بدل المرة 100 مرة وكأنه جاي لأخت من إخواتك عريس وإنت بتفحصه".
وواصل: "لو أنا فاهم كويس أوي مقتضيات الحفاظ على الدولة دي وإن اللي هيتولى مسئوليتها ويشيلها في رقبته ولو أنا بصوتي ده ومستقلش صوتي وأقول إن واحد من كام مليون لكن أنا هعمل اللي عليا وهختار على قد ما فهمت وبحثت وده بقى سهل دلوقتي إن الشخصية دي تمثلني في البرلمان أو إن الشخصية دي ممكن تتولى مسئولية الدولة دي.. ده وعي، والوعي مش كلمة محدودة تقال على موضوع وتترك باقي الموضوعات لأ، الوعي عبارة عن فهم عام مناسب للشخصية تجاه قضايا مجتمعه ودولته وأسرته وقضاياه هو شخصيًا، وبالتالي تعامله معاها كل ما يكون أكثر فهمًا وأكثر وعيًا كل ما يكون رد فعله وتقييمه وردوده جيدة".
- أهالي الكرم يشكرون الرئيس السيسي على "حياة كريمة".. ومواطن : شكراً يا ريس على كل اللي بتقدمه لينا
- محمد صالح: لقاء الرئيس السيسي وبن زايد يؤكد عمق الشراكة الاستراتيجية المصرية-الإماراتية ودورها المحوري في استقرار المنطقة
- لفت العلم المصري حول جسدها.. ماجدة الرومي توّجه رسالة إلى السيسي (فيديو)
- السيسي: هنموت وهنقابل ربنا وكل واحد هيتحاسب على اللي كان ماسكه
- محمد صالح: توجيهات الرئيس السيسي بتطوير مراكز البيانات نقلة نوعية نحو الدولة الرقمية
