حرص المخرج عمرو سلامة، التعليق على تدخل الجمهور ورواد مواقع التواصل الاجتماعي، في الحياة الشخصية للفنانين بشكل مبالغ فيه، مشيرا إلى أن معظم ضحايا "التحفيل الجماعي"، أشخاص طيبون القلب، أما الأشرار فأذكى من أنهم يقعون ضحايا للرأي العام.
عمرو سلامة: ضحايا التحفيل الجماعي أشخاص طيبين
كتب عمرو سلامة في منشور رصده موقع تحيا مصر على حسابه الرسمي بموقع التواصل الاجتماعي فيسبوك: بما إني أعرف شخصيا ناس كثير من ضحايا التحفيل الجماعي، الغالبية العظمى منهم طيبين لا يستحقوا ولا يستحملوا التحفيل ده، الأشرار أذكى من أنهم يقعوا ضحايا للرأي العام، بيعرفوا كويس يداروا على فضايحهم، ومايطلعوش كوارثهم فوق الرادار، مختفين تماما أو وآخرهم على النت يهنوا في الأعياد ويباركوا في الأفراح ويشاركوا انجازاتهم، ومايزعلوش حد، بينما الناس مشغولة بتاكل في لحم الضحايا السهلة.
منة فضالي عن تدخل الجمهور في الحياة الشخصية للفنانين: خلي في قلوبكم رحمة
وعلقت أيضا الفنانة منة فضالي على هذا الأمر، فكتبت هي الأخرى منشور، جاء فيه: ايه قمة الحقد ده والكلام الغير محترم ما تسيبو الناس في حالها اللي يتجوز باركو و قولو كلمتين حلوين واللي ينفصل نقول ربنا يهدي النفوس ايه فاجاه بقيتو بتفهمو و ماشين علي الصراط المستقيم و انتم كلكم عيوب.
وتابعت منة فضالي في منشورها: هو يا نفضح و نغلط علشان نوصل ترند يا اما نعمل حمامات سلام علشان تكسبو الطرف التان.. عالم منافقة وكدابة اعوذب الله منكم، ليه ندخل في حياة الناس ليه ايه الحكمه بتستفيدو ايه بالغلط و الشتيمة و الفضايح، ليه مبتتمنوش الخير لغيركم صفو النيه خلي في قلوبكم شويه رحمه محدش عايش في بيوتنا علشان تكتبو و تتكلمو عننا فلان اتجوز ..فلان طلق علشان فلان.. فلان كان مصاحب فلان انتو مالكم.. يا ساتر الواحد قرف بجد.
آخر أعمال عمرو سلامة
يذكر أنه عرض مؤخرا لـ عمرو سلامة مسلسل برستيج وذلك على منصة يانجو بلاي وهو من بطولة النجوم مصطفى غريب، محمد عبد الرحمن، دينا، بسام رجب، وسامي مغاوري، وحاز العمل على اعجاب كبير من الجمهور.
0 تعليق