وجهت الانفلونسر أسما شريف منير، رسالة مؤثرة عن مصر وشدة حبها لها، وذلك تزامنا مع احتفالية السلام بين غزة وإسرائيل، فضلا عن افتتاح المتحف المصري الكبير، والذي من المقرر أن يقام في يوم السبت الموافق 1 من شهر نوفمبر.
أسماء شريف منير: مصر مش دايما هادية بس جواها طمأنينة
وقالت أسما شريف منير في منشور رصده موقع تحيا مصر على حسابه الرسمي بموقع تبادل الصور والفيديوهات انستجرام: مصر بالنسبالي مش كلام كبير ولا شعارات، هي تفاصيل صغيرة محدش بيحسها غير اللي عاشها، ريحة الشارع بعد المطر صوت الأذان وقت المغرب، الناس اللي بتضحك رغم التعب، واللي دايما تلاقيهم في ضهرك.
وتابعت: مصر يمكن مش دايما هادية بس جواها طمأنينة غريبة.. تحس إن ربنا سايب في أرضها نور بيطمنك إنك هنا بخير، مصر وطن السلام.
أسما شريف منير بالحجاب في مهرجان الجونة
يذكر أن أسما شريف منير كانت قد خطفت الأنظار في مهرجان الجونة السينمائي الدولي بدورته السابقة، وذلك بعد ظهورها بالحجاب، وعلقت على هذا الأمر قائلة: أول مهرجان جونة ليا بالحجاب وأكتر مرة مبسوطة، السنة اللي فاتت كنت لسه بعمل كونكشنز لعالم تاني، بروح أي توك أو ماستر كلاس تهمني، بقابل ناس، بسمع، بتعلم، بحاول أفتح أي باب يفيد عالم تاني قدّام، السنة دي… كان عندي أمل نطلع كـ team نعمل حاجة ليها معنى، ويفضل الأمل موجود لحد ما فجأة… في ٤٨ ساعة كل حاجة اتغيرت، كنت مقررة إني مش هسافر، خصوصًا إني لسه محجبة، ومعنديش لبس كفاية، ومحضرتش نفسي خالص، بس ربنا بيبعتلك الباب وقت ما تبقى مستعد له من جوه، مش من بره.
اسما شريف منير: قررت أكون في مهرجان الجونة وأقدم حاجة تفيد الناس
واضافت اسما شريف منير: لما لقيت حد آمن باللي بنعمله، وقالنا “تعالوا السنة دي، هتقدموا حاجة تستاهل”… قلت مش هخلي أي حاجة توقفني، في وقت قليل جدًا قررت أكون هناك، أقدّم حاجة انا و عمرو عالم تاني، أعرف الناس أكتر على عالم تاني، وأكون نفسي.
واكدت: أنا حضرت الجونة كذا مرة، مرة كنت بشتغل ميكاب أرتيست، مرة إنفلونسر، مرة علشان عالم تاني، بس دي أول مرة أحس إني بقدّم نفسي بشكل حقيقي… من جوه، وأكتر حاجة فخورة بيها… إن كل اللي بيحصل ده بتوفيق من عند ربنا و فاجأه، و بمجهودنا وبشغلنا وفخورة بالتيم بتاعي اللي بيساعدني على حلمي كل يوم.
0 تعليق