كنت بلف وراك في الحفلات.. عمر كمال يوجه رسالة مؤثرة لـ محمد فؤاد بعد حصوله على ألبومه

حرص مطرب المهرجانات الشعبية عمر كمال، على توجيه رسالة لـ المطرب محمد فؤاد، يكشف من خلالها مدى حبه الشديد له، وكيف كان قدوته ومثله الأعلى، وذلك على غرار أزمة ألبومه الغنائي الجديد والذي كان ملك محمد فؤاد، ليكون بعد خلافات مع شركة الإنتاج من نصيب عمر كمال.

عمر كمال يوجه رسالة مؤثرة لـ محمد فؤاد 

وقال عمر كمال في منشور رصده موقع تحيا مصر على حسابه الرسمي بموقع التواصل الاجتماعي فيسبوك: أنت أستاذى وحبيبى … وانا مش انجح منك ع اليوتيوب ولا انجح منك ف اى حتة … أنا مجيش اغنية جوه ألبوم من ألبوماتك … انت الوحيد اللى عارف أنا بحبك وبحترمك ازاى … عندى 36 سنة .. منهم 30 سنة بحبك وبلف وراك حفلاتك ف بلاد ربنا وكنت فعلا بروحلك عند الاستديو وبيتك وانا سنى 14 سنة.

وتابع عمر كمال حديثه، قائلا: كنت استنى لحد الفجر عند محلات الكاسيت استنى شريطك ينزل عشان اشترى نسخة شريطك الماستر اللى محفور عليه اسم شركة الانتاج عشان احس انى ساهمت ف نجاحك ف كتر المبيعات .. صوتك كان بياخدلى حقى من الدنيا .. كان بياخدلى حقى من اللى سابتنى .. وكان ونسى ف خدمتى ف الجيش .. وكان معايا ف كل مراحل حياتي.

أزمة عمر كمال ومحمد فؤاد 

عرف عمر كمال بحبه الشديد لـ محمد فؤاد منذ الصغر، وكان يتخذه قدوة ومثل أعلى، حتى قام الثنائى بعمل حفل غنائي سويا ضمن حفلات الساحل الشمالي، وكان عمر كمال وقتها في غاية السعادة.

ولكن وقع خلاف كبير بينهم في الأيام الماضية، عندما قرر عمر كمال أن يغني أغنيات ألبوم كان في الأصل لـ محمد فؤاد، ولكن الاخير اختفل مع شركة الإنتاج وقرر عدم استكمال الألبوم، ليعرضه المنتج على اكثر من مطرب منهم وائل جسار، ولكن استقر في النهاية على عمر كمال، لتنقلب السوشيال ميديا رأسا على عقب وتشعل الخلاف بين فؤاد وعمر كمال.

أول تعليق من عمر كمال على اتهامه بسرقة ألبوم محمد فؤاد

وفي أول تعليق لـ عمر كمال على اتهامه بسرقة ألبوم محمد فؤاد، قال خلال لقاءه مع et بالعربي: ليه عمر ميكونش فؤاد جديد مش عيب، الألبوم فعلا كان بتاع محمد فؤاد بس لما جالي مكنتش أعرف في الأول عرفت بعد ما سجلت أول أغنية، أنا منطتش على الألبوم سرقته، فؤاد هو اللي رفضه وعمل مشكلة مع المنتج وضحى بكل الاسماء دي وكل الاغاني الحلوة دي.