وجه وائل جمعة، نجم الأهلي ومنتخب مصر السابق، رسالة قوية إلى لاعبي الفريق الأول لكرة القدم بالنادي الأهلي، عقب التعادل المخيب أمام بتروجيت بنتيجة 1-1، في اللقاء الذي أقيم مساء الأربعاء على استاد الكلية الحربية، ضمن منافسات الجولة الثانية عشرة من بطولة الدوري الممتاز.
وكتب وائل جمعة عبر حسابه الرسمي على منصة “إكس”: "كلمتين للاعبي الأهلي.. بقالي فترة متكلمتش على الأهلي، لكن اللي شايفه دلوقتي لازم نقوله من حبنا للنادي، احنا بنحب الأهلي وهتفضل محبتنا ليه دايمًا، بس أوعى تفتكر إن الجمهور هيحبك على حساب النادي".
وأضاف: "رصيدك كلاعب بيتبني من تضحيتك ومحافظتك على بيتك اللي هو الأهلي، والمشجع عايز يشوفك بتحارب علشان اسم ناديك يفضل مرفوع. أتمنى كل واحد منكم يحاسب نفسه على اللي قدمه في الفترة اللي فاتت".
وتابع نجم الأهلي السابق: "مدربين كتير جم ومشيوا في الفترة الأخيرة على غير عادة الأهلي، وده معناه إن لازم تبصوا في المراية وتحاسبوا نفسكم، مش تستنوا التغيير من غير ما تبصوا جواكم".
واختتم جمعة حديثه قائلًا: "محتاجين نشوف رد فعل مختلف منكم.. وجمهور الأهلي دايمًا وراكم، طول ما أنتم بتقاتلوا علشان تفرحوه وترفعوا اسم النادي".
- "حاسبوا نفسكم".. وائل جمعة يوجه رسالة للاعبي الأهلي بعد التعادل أمام بتروجيت
- إبراهيم المعلم: ظننت أن صالح سليم "دكتاتور".. ودخلت انتخابات الأهلي بالصدفة - فيديو
- وائل جمعة يكشف لمصراوي موقف ثنائي الأهلي من المشاركة أمام كيتارا بالكونفدرالية
- وائل جمعة يطمئن على سداسي الأهلي فى المنتخب قبل ودية جنوب أفريقيا
- هل يسبق وائل جمعة بعثة الأهلي إلى أوغندا؟
