أكد سيد عبد الحفيظ، نجم النادي الأهلي السابق ومدير الكرة الأسبق والمرشح الحالي على منصب عضو مجلس إدارة النادي، أن المرحلة المقبلة تتطلب عملًا جماعيًا منظمًا وروح قيادة واعية تضع مصلحة الأهلي فوق أي اعتبار، مشيرًا إلى أن دوره الحالي داخل المنظومة أصبح مختلفًا تمامًا عما كان عليه في الماضي، ويستعرض تحيا مصر التفاصيل.
سيد عبد الحفيظ: قالب سيد عبد الحفيظ دلوقتي هو قالب قيادة للنادي الأهلي
وقال عبد الحفيظ في تصريحات مع مهيب عبد الهادي في برنامج اللعيب: “قالب سيد عبد الحفيظ دلوقتي هو قالب قيادة للنادي الأهلي ربنا يوفقنا في اللي جاي ونقدر نعمل حاجة للنادي الموضوع مختلف تمامًا عن قبل كده، المرحلة دي محتاجة فكر إداري وتنظيم أكتر من أي وقت”.
وأضاف: “العمل الجماعي هو أهم وأنجح نوع من الشغل ممكن يحصل في أي مكان ممكن شخص يكون بسيط جدًا، لكن لما يشتغل داخل نظام ناجح، بيقدر ينجح لأن السيستم مظبوط وده بالضبط اللي بيميز النادي الأهلي”.
وشدد على أن الأهلي يستحق من كل من ينتمي له العمل بكل تفانٍ وإخلاص، قائلاً: “النادي الأهلي فضلُه علينا كبير وكبير أوي، وبالتالي أقل حاجة نقدمها إننا نشتغل طول اليوم عشان نفضل دايمًا في المقدمة”.
وتحدث عبد الحفيظ عن مفهومه للقيادة داخل المؤسسات الرياضية، موضحًا: “القيادة المبهرة مش إنك تشد أو تقسى على اللي حواليك، لكن إنك تعرف تتعامل مع كل واحد بطريقته لازم تحط أساس واضح، وتمشي الناس عليه بالاحترام والتفاهم”.
وأضاف: “كل شخص ليه مدخل معين القائد الحقيقي هو اللي يعرف يوصل للمدخل ده عشان يطلع منه أفضل ما عنده لو عارف إن فيه إمكانيات عند حد محتاجة مجهود في التعامل، لازم أبذل المجهود ده عشان أطلعها”.
واختتم عبد الحفيظ حديثه مؤكدًا أن نجاح الأهلي كان وما زال قائمًا على العمل الجماعي والتكامل بين عناصره، قائلاً: *"الأهلي عمره ما اعتمد على فرد واحد، لكنه دايمًا بينجح لأن فيه منظومة قوية بتشتغل على قلب واحد، وده اللي لازم نحافظ عليه في كل وقت".
0 تعليق