أعرب المصريون من كافة دول أوروبا عن حبهم وتقديرهم للرئيس عبدالفتاح السيسي، محتشدين أمام مقر إقامته في بروكسل، لؤكدوا دعمهم له وتأييدهم في أي مكان يذهب إليه، وذلك في اليوم الثالث لزيارته للعاصمة البلجيكية بروكسل للمشاركة في القمة المصرية الأوروبية.

وقال أحد المصريين خلال فيديو عرضته “إكسترا نيوز”: "ولله يعني اليوم الثالث كأنه ثلاثة أيام العيد، عيد طبعًا بوجود سيادة الرئيس هنا في بروكسل، حاجة جميلة حاجة تشرف.. شفنا قد إيه الاستقبال في قاعة الاتحاد الأوروبي.. شفنا قد إيه زعيم.. زعيم زعيم فخر لنا وفخر إننا نقول إحنا مصريين. تحيا مصر برئيسها وبقيادتها وبجيشها".

وأضاف آخر: "رئيسنا يستاهل أكثر من كده لأنه رفع رأسنا قدام العالم كله، وفي شرم الشيخ أثبتت إن مصر دولة بلد السلام هي أم الدنيا، طبعًا قبل كل شيء، وهي مهد الحضارة وبلد السلام، وأجبرت العالم كله إنه ييجي يعمل السلام من مصر.. وتحيا مصر".

وذكر مصري في بروكسل: "جايين بمبادرة حب، بنوضح لكل المصريين إحنا كلنا إيد واحدة وبنساند بعضنا بعض.. وموجودين هنا دايمًا إيد واحدة حتى لو إحنا برا مصر، موجودين إيد واحدة وبنحب مصر وبنشجع مصر في كل مكان".

وتابعت مواطنة مصرية في بروكسل: "مبسوطين قوي النهاردة إن إحنا شفنا الرئيس ومبسوطين ببلدنا.. بلدنا دايمًا بلد الأمان.. وزي ما قال الرئيس مصر أم الدنيا وهتبقى قد الدنيا، ويا رب دايمًا في أمان وسلام".

وقال آخر: “النهارده اليوم الثالث من استقبال سيادة الرئيس، شرف كبير وفرحة لكل المصريين في أوروبا.. في ناس جاية من فرنسا وألمانيا وسويسرا، استقبال مفرح فعلًا.. رغم المطر، الناس كانت كتير جدًا ومنتظرة الرئيس، والدنيا كانت جميلة جدًا”.

وأعرب أحد المصريين في بروكسل عن إعجابه باللقاء مع الرئيس السيسي، مرددا: "اللقاء مع الرئيس كان مؤثر، نزل بنفسه وسط الناس في مشهد رائع.. الزيارة دي مختلفة عن أي مرة فاتت، مختلفة في الروح، في الناس، وفي الحب الكبير.. مبسوطين جدًا جدًا جدًا جدًا في اللقاء ده، وإن شاء الله في أوروبا كلها بالكامل مش هنسيب حتة في أوروبا مش هنروحها".

وردد مصري ضمن الجالية: "الوطنية بتجمع الحبايب وبتقرب الناس، والناس مبسوطة وأيام حلوة ومية مية.. وجايين ورا الرئيس في كل حتة هنا في بروكسل بيحتفلوا، وهم إيد واحدة.. تحيا مصر، تحيا مصر، تحيا مصر".