عبّرت الفنانة مي عمر عن سعادتها الكبيرة بفوز المنتخب المصري وتأهله التاريخي لدور الـ 16، مؤكدة أن اللحظة كانت استثنائية بالنسبة لها ولكل المصريين، خاصة أنها تابعت المباراة وسط أجواء عائلية جمعتها بزوجها المخرج محمد سامي وعدد من أصدقائهما المقربين.
وقالت مي عمر في تصريحات خاصة لـ«الدستور»: “الفرحة اللي عشناها بعد صافرة النهاية كانت لا توصف، حسّينا إن كل بيت في مصر بيحتفل في نفس اللحظة، وده أجمل إحساس ممكن أي مصري يعيشه”.
وتابعت: “المنتخب لعب بروح رجالة حقيقي، وكل لاعب كان عنده إصرار إنه يفرح الجمهور المصري”.
وأضافت: “أنا من وقت طويل ما شفتش الشوارع والسوشيال ميديا بالحماس ده، الناس كلها كانت متوترة طول المباراة، لكن في النهاية الحمد لله ربنا كرمنا وفرحتنا كانت كبيرة جدًا أكتر حاجة أسعدتني إن اللاعبين كانوا على قد المسؤولية وقدموا مباراة تليق باسم مصر”.
وتابعت مي عمر: “كنت متحمسة جدًا وأنا بتابع المباراة، وكلنا كنا بنشجع بصوت عالي وكأننا في الاستاد، وبعد الفوز حسّينا إننا لازم نحتفل لأن الإنجاز ده مهم جدًا ويدينا أمل وطاقة إيجابية كبيرة”.
واختتمت تصريحاتها قائلة: "شكرًا لمنتخب مصر على الفرحة دي، وشكرًا لكل لاعب قاتل في الملعب علشان يسعد الملايين من الجمهور إحنا فخورين بيكم جدًا، وإن شاء الله القادم يكون أفضل ونفضل دايمًا رافعين اسم مصر عالي.
0 تعليق