أعربت الفنانة زينة عن حزنها الشديد بعد وفاة شقيقها “إسلام”، مؤكدة أنها تمر بحالة من الألم والفقد، داعية جمهورها إلى الدعاء له بالرحمة والمغفرة.

وشاركت زينة رسالة مؤثرة عبر حسابها الرسمي على انستجرام، تحدثت خلالها عن تفاصيل اللحظات الأخيرة في حياة شقيقها، مشيرة إلى أنه توفي وهو صائم بعد أداء صلاة العصر في المسجد، قائلة: “الشاب الحلو ده اخويا ربنا حرمني منه وراضية وبحمد ربنا في كل لحظة، أنا واثقة فيك يا رب ان ليك حكمة في كده الحمد لله، كان صايم وصلي العصر في الجامع ونام صايم وماصحيش راح لربنا صايم ومصلي ومتوضي وفي رمضان”.

وأضافت: “أنا قلبي واجعني اوي وبطلب منكم الدعاء لي اسلام اخويا وابني وحته من قلبي، أنا طول عمري محتاجه دعائكم ومجرباه (الدعاء بظهر الغيب ) عمري ما احتاجت دعوة منكم واتاخرتوا عني علشان كده دايما ربنا بيساعدني بسببكم ربنا يرحم اخويا وابويا وكل امواتنا واموات المؤمنين والمؤمنات”.

واختتمت: “ادعوا وانتم بتفطروا ودلوقتي وربنا يصبرنا جميعا الاخ بيوجع في القلب اوي (يا وهاب أوهبه الفردوس الاعلي من الجنة هو وبابا) يااااارب”.