نانسي صلاح: فنانين عملولي عمل عشان شعري يقع ومش عايزين يشغلوني لأني شاطرة

حلت الفنانة نانسي صلاح ضيفة  على برنامج قعدة ستات، الذي تقدمه الإعلامية مروة صبري على قناة ألفا اليوم، وتحدثت خلاله بتصريحات مثيرة وغريبة، كشفت من خلالها محاربتها داخل الوسط الفني.

نانسي صلاح: بتجارب كتير من الوسط وفيه ناس بتراقب تليفوني 

قالت نانسي صلاح في تصريحات رصدها موقع تحيا مصر: "كل الناس زمايلي معنديش صحاب، بيراقبوا تليفوني عشان لو جالي شغل يعرفوا ويمنعوه، بيعملوا كدة عشان أنا شاطرة ومختلفة، آمال هيعملوا كدة ليه، من أول ما طلعت وأنا مختلفة وبتأذي وساكتة، بس كفاية بقى يا جماعة".

وتابعت نانسي صلاح حديثها: "جالي تليفون من كاتب كبير ، قالي مش عايزة تزعلي يا نانسي انك قاعدة في البيت السنة دي، اصل انتي شاطرة أوي عشان كدة انتي قاعدة، انا بتحارب جامد'.

نانسي صلاح: اتنين فنانين عملولي عمل على شعري عشان يقع

وقالت نانسي صلاح أيضا، اتنين فنانين عملولي عمل على شعري عشان يقع لأني أول ما ظهرت كان شعري جميل ومختلف وتقيل، دلوقتي شعري كله باظ واللي لابساه كله اسكتينشن، واللي عملوا كدة نفوس مريضة وأنا عرفاهم.

يذكر أنه عرض لـ  نانسي صلاح  منذ أيام مسلسل "2 قهوة"، بطولة أحمد فهمي، مرام علي، مي القاضي، محسن محيي الدين، إسماعيل فرغلي، حازم إيهاب، إيهاب فهمي، أحمد الشامي، هبة الأباصيري، وعمر رياض. المسلسل من تأليف عمرو محمود ياسين وإخراج عصام نصار، وتم عرضه على شاشة قنوات أون ومنصة واتش ات الرقمية.

آخر أعمال نانسي صلاح 

مسلسل 2 قهوة تدور أحداثه حول شاب اسمه "يحيى" (أحمد فهمي)، مقدم برامج توك شو ناجح، يقع في حب "نيللي" (مرام علي)، صاحبة كافيه راقي في الزمالك، العلاقة بينهم تتطور وسط صراعات ماضية وعقبات اجتماعية ومهنية، خصوصًا بعد عودة طليقة يحيى إلى حياته، مما يهدد استقرار الحب الجديد.

نانسي صلاح كانت شاركت في مسلسل "100 راجل" مع سمية الخشاب ومحمود عبد المغني، وعرض في رمضان 2023. كما شاركت في مسرحية "فيلم رومانسي" مع خالد سليم وآلاء علي، وعرضت في سبتمبر 2025 في دبي.