حل الفنان محمود العسيلي، ضيف على برنامج الحكاية، الذي يقدمه الإعلامي عمرو أديب على قناة mbc مصر، ليتحدث عن علاقته مع الحب ويقدم مجموعة من أغنياته المميزة، وذلك في حلقة خاصة احتفالا برأس السنة الجديدة.

محمود العسيلي: المليون مشاهدة بيعملوا 1700 دولار 

تحدث الفنان محمود العسيلي عن مكاسب المطربين من مشاهدات اليوتيوب، ليقول أنه لا يوجد رقم محدد ففي مصر عكس خارج مصر ولكن المتوسط يكون 1700 دولارا للمليون مشاهدة، ليقول له عمرو اديب: "امال بتاكلوا منين يابني"، فتابع العسيلي حديثه: "فيه تيك توك ومواقع تانية".

وعن علاقته مع عمرو دياب، قال محمود العسيلي في تصريحات رصدها موقع تحيا مصر: "لما بقابل عمرو دياب؛ بيقول لي إنه بيحبني جدا وبيشجعني، واشتكالي بسبب أغنية “كل سنة وأنت قلبي”، عشان في واحد جنبه بيشغلها على طول".

محمود العسيلي: اتجوزت 4 مرات 

وقال محمود العسيلي، أيضا: اتجوزت 4 مرات.. الأولى كنت 25 سنة وبين الجوازة والتانية كنت بقعد من 3 لـ 4 سنين، ولا إحنا هنفهم الستات ولا هما هيفهمونا.. ولو حاولت تمشي على دماغ الست  اللي معاك هتلغي شخصيتك.

واكد: أنا بدلع الست اللي معايا جدا وكله بيقولي بلاش بس دي شخصيتي وببقى مستني منها تدلعني ولو عملت غير كدة بقولها باي باي، الدنيا بقت صعبة والمعيشة بقت صعبة والناس بقت مضغوطة عشان كدة نسبة الفشل في العلاقات بقت كبيرة.

محمود العسيلي: مقاييس نجاح الأغنية اتغيرت بعد كورونا

وأشار العسيلي بيعتبر إن سر استمراره وتطوره الفني هو الإصرار والتمسك بالنجاح، مشبهًا نفسه بنجوم عالميين زي كريستيانو رونالدو وعمرو دياب، وأكد أن مقاييس نجاح الأغنية اتغيرت تمامًا بعد أزمة كورونا، وإن السوشيال ميديا بتساهم في نجاح الأغنية.

وقدم محمود العسيلي خلال الحلقة مجموعة من أغانيه في البرنامج، زي "في حتة تانية"، "حلم بعيد"، "يا ناس"، و"كده كده بايظة"، وتأتي تلك الحفلة في إطار الاحتفالات برأس السنة 2026، وتفاعل الجمهور مع الحلقة التي كانت مليئة بالبهجة، كما تفاعل عمرو أديب مع الحلقة بالرقص والغناء.