انتشرت أنباء منذ قليل تفيد بـ تدهور الحالة الصحية لـ الفنان عمرو محمد علي، الذي يعاني من مضاعفات مرض التصلب المتعدد (MS)، ما يؤثر على حركته بشكل كبير ومنعته من الظهور داخل الوسط الفني، وبدأ في العلاج منذ فترة على نفقة الدولة.
أول تعليق من عمرو محمد علي على تدهور حالته الصحية
وقال عمرو محمد علي بشأن تدهور حالته الصحية، في تصريحات خاصة لـ موقع تحيا مصر: أنا الحمدلله أنا كويس وحالتي زي ما هي مفيهاش جديد، ومش متدهورة احنا بنحمد ربنا، أما باخد إبرة كل 6 شهور وميعادها في شهر 1 ونروح أخدها أن شاءالله.
وأكد عمرو محمد علي في تصريحاته: بتعالج على نفقة الدولة والنقابة بتديني كل شهر 500 جنيه، و د. أشرف عامل معايا الواجب رغم إنه مش بيتواصل معايا بشكل مباشر.. انا عايش على أمل في ربنا ومفيش أي تدهور في حالتي.
مش قادر اتحرك زي الأول.. تطوارت الحالة الصحية لـ عمرو محمد علي
وكان قد سبق وقال عمرو محمد علي: حالتي بتسوء ومش قادر أتحرك زي الأول، جسمي بقى ضعيف أوي، وأنا مش طالب غير إني أكمل علاجي، نفسي أرجع أعيش حياتي بشكل طبيعي، لكن المصاريف أكبر مني، ومفيش دخل يساعدني.
وكان قد كشف عمرو محمد علي تفاصيل أزمته الصحية، قائلا:أنا عندي مرض من عند الله اسمه التصلب المتعدد (إم إس)، تواصل معايا الدكتور أشرف زكي، وبعث وفدًا من نقابة الممثلين برئاسة أحمد سلامة ومصطفى حجي. كنت في مستشفى تابعة لوزارة الصحة، وخرجت منها امبارح. مرضي مش مرض ضمور، ده مرض مناعي موجود معايا من سنين طويلة، والحمد لله قدرت أتغلب عليه إلى حد ما. في الأيام اللي فاتت، كان الدكتور أشرف زكي بيطمن عليا وبيسأل عن حالتي.
اخر أعمال عمرو محمد علي
وكان قد تألق عمرو محمد علي في مسلسل ارابيسك وعرف بهذا الدور على مدار مسيرته الفنية، وشارك به إلى جانب صلاح السعدني، هشام سليم، وهدى سلطان، وهو من تأليف أسامة أنور عكاشة واخراج جمال عبد الحميد.
0 تعليق