كشفت الفنانة فيدرا عن تفاصيل مواظبتها على صلاة الفجر بسبب الكلاب، وذلك من خلال لقاء لها ببرنامج الستات مع الإعلامية مفيدة شيحة، وسهير جودة.
فيدرا: الكلاب عودتني أصلي
وقالت فيدرا في تصريحاتها التي يرصدها موقع تحيا مصر: كان عندي مشكلة في صحيان الفجر، معرفش أصحى الفجر، ولكن في مرة كنت قاعدة مع حد قالي أنتي عندك عكوسات عشان الكلاب، وساعتها كان عندي مشكلة في صلاة الفجر، فروحت البيت وقولت الراجل ده مش عايزة اشوفه تاني لأنه جاهل، فنمت بدري ولمدة أسبوع كل يوم الفجر كلاب الشارع اللي أنا بأكلها تهوهو تحت الشباك، وبلاقي نفسي صحيت الفجر على الآذان، فبتوضى وأصلي، وبعد أسبوع الكلاب اختفت ولكن كنت اتعودت.
فيدرا: ليه الستات بتتعامل معاملة المواطن الدرجة التانية ؟!
وسبق وأن أعربت الفنانة فيدرا عن استيائها من حجم وتصميم مصلى السيدات في المساجد، وذلك من خلال منشور عبر حسابها الشخصي على موقع تبادل الصور والفيديوهات إنستجرام
ونشرت فيدرا مقطع فيديو لها، قالت فيه: انا عندي سؤال.. انا طبعا عارفة ان في المسجد الستات بتصلي بعيد عن الرجالة وبنبقى منفصلين بس هو السؤال اللي مش لقياله اي رد هو ليه دايما المصلى بتاعت الستات بيبقى صغير ومكتوم.. ومتقفل بحواجز ومدخله جانبي زي ما يكون باب المطبخ.. احنا ليه بنتعامل كدا، احنا ليه كستات رايحة تصلي في الجامع بنتعامل معاملة المواطن الدرجة التانية، ليه المصلى بتاعنا ميكونش يشرح ويكون مدخله حلو وجميل زي مدخل مصلى الرجالة، ليه دا مش متحقق للست.
أخر أعمال فيدرا في السينما
ومن الجدير بالذكر أن أخر أعمال فيدرا في السينما ظهورها كضيفة شرف في فيلم ولاد رزق 3، والذي تدور أحداثه في هذا الجزء، وبعد مرور سنوات وانفصال الأخوة في طرقهم الحياتية المختلفة، لكن في يوم من الأيام، يعود شبح من الماضي ليلقي بظلاله على ولاد رزق، مما يجبرهم على العودة إلى حياة الجريمة والسرقة مرة أخرى حتى ينجوا بأنفسهم، في عملية مصيرية هي الأكبر والأخطر والأهم في تاريخ ولاد رزق.
وشارك في بطولة الفيلم عدد كبير من النجوم والنجمات، منهم: أحمد عز، عمرو يوسف، آسر ياسين، كريم قاسم، أسماء جلال، وغيرهم.
