حل الفنان محمد صبحي، ضيفا على برنامج الصورة، والذي تقدمه الإعلامية لميس الحديدي على شاشة قنوات النهار، وتحدث خلاله عن اختلاف هذا الزمن عن زمنه، مؤكدا أننا في الوقت الحالي لا نعرف عيبا، وأنه زمن جلوس المبدعين في منازلهم.
محمد صبحي: أنتج محمد صبحي عظماء واحنا في زمن لا يقول عيب
تحدث محمد صبحي عن النجوم الذين ساهموا في عمله، فقال في تصريحات رصدها موقع تحيا مصر: اللي أنتج محمد صبحي عظماء مصر.. أنا لقيت اللي يربيني فنيا ويقولي عيب زي فؤاد المهندس واحنا بقينا في زمن لا يقول عيب، في ناس محترمة وعندهم إبداع قاعدين في بيوتهم وناس قاعدة على التيك توك بتقول ألفاظ خارجة بيمضوا 7 أفلام ومسلسلات.
وأضاف محمد صبحي: الناس باظت بسبب التيك توك، وأول جملة بكتبها بعد بسم الله الرحمن الرحيم على الورق، بقول أنا عايز أقول ايه للجمهور، انا قدامي رقابة أفظع من رقابة الدولة.
محمد صبحي: مش لازم المسرح يقدم رسالة والضحك في حد ذاته رسالة
وتحدث محمد صبحي عن المسرح والضحك والرسائل المقدمة من خلاله، قائلا: سمير غانم كان يطلع يقول أنا مش بتاع رسايل أنا بطلع أضحك الناس ودي لوحدها رسالة وأنا كنت بحترمه جدا ومفيش مسرحية فيها رسالة مبتضحكش.
وعن منهجه في العمل، قال محمد صبحي: لويس عوض قالي انت فنان مستفز.. خلتني أنا والحمار اللي جنبي فاهمين زي بعض .. وده كان هدفي كله يخرج بوعي واحد سواء كان مثقفا أو أميا.
محمد صبحي يتعرض لـ شائعات وفاة
يذكر أن محمد صبحي بعد أيام من تواجده في المستشفى، انتشرت أنباء تفيد بوفاته، وسار وراءها عدد كبير من الفنانين من بينهم الفنانة ريهام عبد الغفور، التي كتبت له رسالة مؤثرة على أساس أن شائعة وفاته حقيقية، ولكن تبين أن تلك الشائعة لا أساس لها من الصحة، لتقوم ريهام عبد الغفور بالاعتذار على الفور.
وفي اول تعليق من محمد صبحي على شائعة وفاته، قال: لو فنان توفاه الله النقابة لازم هي اللي تعلن الناس فقدوا إنسانيتهم وعايزين يركبوا التريند بيكتبوا إنا لله وإنا إليه راجعون ولما بدخل أشوف بلاقي إعلان صابون لو فنان توفاه الله أول من يعلن هو نقابة المهن فنصبر شوية لحد ما تعلن.
0 تعليق