حققت الفنانة الشابة جهاد حسام الدين، نجاحا كبيرا، في مسلسل كارثة طبيعية، بطولة الفنان محمد سلام، حيث استطاع أن تلفت أنظار الجمهور في لدورها المميزة في العمل.
تصريحات جهاد حسام الدين عن دورها في كارثة طبيعية
وتحدثت الفنانة جهاد حسام الدين، خلال حوارها مع موقع تحيا مصر، عن بداية قرأتها لنص مسلسل كارثة طبيعية، وسر انجذابها للعمل، قائلة: اول حاجة شدتني للعمل كان الاسكربيت لانه مكتوب حلو جدا، ومتقن وأحمد عاطف المؤلف دارس كل حرف والشخصيات حقيقية جدا، انا حبيتهم وانا بقرأهم وحبيت محمد، وأول ما قرأت الاسكربيت قلت دي حاجة معمولة حلو وجديدة وفكر الاطفال الكتير دي كانت جذابة جدا بالنسبالي وانها حاجة مختلفة وانه مش دور هيجي كل يوم ولا هتكرر ولو اتعمل واتكرر هيبقي دمه تقيل.
وتابعت: الفكرة نفسها فيها اتقان وازاي عايزين نقدمها، ومن أول مرة كان في إجماع من الفريق كله ان العمل ده هيكون حقيقي، وده هو نوع الكوميديا اللي انا بفهمه، في الاول انا كنت خايفة جدا لاني اول مرة اعمل النوع ده من الكوميديا في التلفزيون كنت دايما بقدمه في المسرح، وصورنا مسلسل كارثة طبيعية في حوالي حاجة و30 يوم، وده كان في أقل من سنة.
جهاد حسام الدين تكشف كواليس التخصير لمسلسل كارثة طبيعية
وعند سؤالها عن الشخصية وكيفية استعددها لها: في البداية انا مكنتش اعرف ان الحالات دي موجودة في مصر، وكنت فاكرها حاجات موجودة برا، فدخلت على اليوتيوب وشفت فيديو لواحدة مصري معها 11 طفل، والست كانت محطمة، فأنا قلت هي دي، كان معانا سيليكون على شكل أطفال، ولو الكاميرا في مشهد كان تقرب من وش الطفل كان بيبقي حقيقي، اما البطن فكانت بكذا مقاس، ومشاهد البطن دي كانت صعبة لان كان في 2 واحدة تقيلة وواحدة اخف، فكرة الأمومة ولحظات وانا بمسك الاطفال حتي لو السليكون كانت رعب، فلازم اكون جاهزة للنوع ده من المسئولية.
وعن كواليس التصوير مع الفنان محمد سلام، قالت جهاد حسام الدين: محمد سلام، حد جميل جدا دمه خفيف وبيضحك وسلسل في التعامل، انا قبل المسلسل مكنتش اعرف خالص، ولكنه كان بيشجعني، وبالنسبالي كان أصعب هو مشهد كان الولادة، وكان في يوم اثر فيا خلال المسلسل لاني حسيت بضغط وان مشاعري في كل حته واتأثرت
جهاد حسام الدين: سعيدة بردود فعل الجمهور ووصلني طاقة حب كبيرة
وعند سؤالها عن رأيها في ردود فعل الجمهور: سعيد ومتأثرة جدا بالتفاعلات الجمهور على المسلسل ووصلي طاقة حب مكنتش موجودة قبل كده، لحد دلوقت مفيش اي كلام عن وجود جزء تاني من المسلسل.
0 تعليق