خرج كريم الحو، متسابق ذا فويس منذ قليل، لكشف تطوارت واقعة تكذيب صلة قرابته من الموسيقار محمد فوزي، مشيرا إلى أن عائلة الموسيقار الشهير اعتذروله فور رؤية البطاقة، وأنه من عائلة الحو التي لديها فروع عديدة في مصر وليس طنطا فقط.

حفيدة محمد فوزي ترد على كريم الحو متسابق ذا فويس بعد تصريحاته الأخيرة 

وقالت هيدي، حفيدة محمد فوزي في تصريحات خاصة لـ موقع تحيا مصر : والدة كريم الحو متسابق ذا فويس بعتتلي البطاقة ولكن متواصلتش معايا تاني، وده معناه أنه محصلش تواصل خالص وإن في نهاية اسمه عائلة الحو مش إثبات على وجود صلة قرابة.

وتابعت: كريم شخص محترم وموهوب ومش معترضة عليه كموهبة فنية ولا معترضة عليه كقريب، ولكن أنه يقول إنه ابن عم جده، ده مش طبيعي وكل اللي طلبته أنه يطلع ينفي صلة قرابته بـ محمد فوزي، ويعتذر عن اللي قاله مقولتش أبدا هنقاضيه ولا هنرفع اي دعاوي ضده.

حفيدة محمد فوزي: محصلش بينا وبين كريم الحو اعتذار 

واضافت حفيدة محمد فوزي: معنى إنه قريبه من الدرجة العاشرة ميخليش قراراته الفنية تقترن باسم محمد فوزي، ومحصلش مننا اعتذار نهائي ليه واما تواصلت مع عائلتي قالوا هنسكت عشان ده طفل حرام.

وكان قد خرج كريم الحو في فيديو منذ قليل، وقال في فيديو على حسابه الرسمي بموقع تبادل الصور والفيديوهات انستجرام: الموضوع بقى رأي عام في البلد عن أني بكذب وبدعي إني قريب محمد فوزي الحقيقة، لما طلعت في البرنامج قلت إنه ابن عن جدي بالتحديد ومحمد فوزي أصله من طنطا، وعائلة الحو لها كذا فرع، وده معروف، وليها فرع في كل حتة أنا من فرع من الفروع دي.

كريم الحو متسابق ذا فويس 

واختتم كريم الحو حديثه: العائلة كلها بتدعمني، ورجاله كتير كلموني واعتذروا، وقالوا إنهم بيعتذروا على إنهم نفوا إني من العائلة وده بعد ما بعتله البطاقة، وأنا مش هرد على أي حد غلط فيا واستاء ليا هم قالوا إنهم هيرفعوا قضية، بس أنا مش ههتم أنا معايا الدليل، أنا مش من طبيعتي إني أقول إني حفيد محمد فوزي من غير دليل، أنا اسمي في البطاقة كريم محمد أحمد الحو.