في أول ظهور لـ مطرب المهرجانات الشعبية عصام صاصا بعد طلاقه من البلوجر جهاد أحمد، والذي شهد عليها رواد مواقع التواصل الاجتماعي، خاصة بعد أزمة حبسه في تهمة دهس أحد الأشخاص عن طريق الخطأ، كشف عن حزنه الشديد وعدم حماسه للأيام المقبلة.

عصام صاصا بعد انفصاله: اللي جاي مش أحسن حاجة 

وشارك عصام صاصا صورة جديد له على حسابه الرسمي بموقع تبادل الصور والفيديوهات انستجرام، عبر خاصية ستوري، ظهر بها وعليه علامات الحزن الشديد، وعلق عليها فقا لما رصده موقع تحيا مصر: "عارف إن اللي جاي مش أحسن حاجة، بس كل حاجة بتاعت ربنا واللي ربنا عايزه هيكون عايز… بس نخف كدب ونخف كلام، الناس بتتكلم كأنهم عايشين معانا".

يذكر أنه فاجأت جهاد أحمد الجمهور بإعلانها خبر انفصالها عن زوجها عصام صاصا، مشيرة إلى أن الانفصال تم منذ شهور عديدة وقررت الإعلان بسبب أسئلة الناس عنه بشكل مستمر في المناسبات الخاصة التي تحضرها رفقة أصدقاءها.

عصام صاصا بعد طلاقه من جهاد أحمد: محدش يظلمها

وسبق وكتب عصام صاصا بعد إعلان جهاد أحمد طلاقهم: حابب أتكلم ف نقطه بسيطه بس عشان بعض كلام الناس بيضيقني يعلم ربنا إني مشفتش أي حاجه ف حياتي وحشه من الست دي ومشفتش منها غير كل خير وعمرها ما كانت غلطانه ف حقي لا بالعكس عشان بس محدش يظلمها وربنا يصلح حال الجميع ويسترها ع كل الناس.

وكانت قبلها قد خرجت جهاد أحمد، طليقة عصام صاصا بتصريحات مثيرة، قالت فيها: طيب نقطة عشان أقفّل وأشاعات أنا شخصيتي كده وهتفضل كده أنا ممكن أتعامل مع شخص وهو فيه عيوب الدنيا وميفرقليش هو وحش ولا حلو بس لما بقفل منه بيتشطب من حياتي ومش بيرجع تاني من الآخر بيبقى هو بالنسبة لي عيني مش بتشوفه مهما كانت غلاوته كبيرة عندي اتقفلت منه يعني أتمسح من حياتي دي أنا وده اللي يريحني أنا فا محدش يضايقها حاجة أنا مختارها في حياتي أنا.

تصريحات طليقة عصام صاصا قبل ساعات من إعلان انفصالهم

وأضافت جهاد أحمد، أنها لا تريد الحديث اكثر عن هذا الأمر حتى لا يكره الجمهور أشخاص يحبونها، حتى لا يشعر أحد بالخذلان مثلما حدث معها، مختتمة: "أنا محدش تعب مكانى ولا عايش بمهدئات مكاني ولا بيضحك علشان الناس متزهقش لما تشوفني ولا عايش ميت زي ما فا نسكت ونشد كرسي ونتفرج بس لأني عمري ما دخلت حياة شخص وأذّيته دايمًا كنت إضافة الحمد لله".