أشاد الفنان تامر حسني بـ لاعب كرة القدم العالمي، كريستيانو رونالدو، مشيرا إلى شدة حبه له، ومسلطا الضوء على طريقة لعبه ووضعه للأهداف وثقته العالية في نفسه، واجتهاده الكبير في مشواره الفني.

تامر حسني يشيد بـ كريستيانو رونالدو 

وكتب تامر حسني على فيديو لـ كريستيانو رونالدو، نشره على صفحته الرسمية بموقع تبادل الصور والفيديوهات انستجرام، ورصده موقع تحيا مصر: یا جماعة أنا مش عارف أنا بحب الراجل ده ليه قوي كده والله معرفش بحبه حب مش عادي مجتهد أخلص لعمله و لمشواره بطريقة محتاجة كتب تشرحها راجل خارق عنده قفزة عمري ما شوفتها بحسه بيمشي في الهوا شكل حركته شوفوا إزاي ثابتة و فيها ثقة مش طبيعية و هو بيرقص اللعيبة ولا لما بيدخل أهداف بكعب رجله تحسه عايز يقول دي أسهل حاجة عندي.

واختتم تامر حسني حديثه عن رونالدو، قائلا: المهم أنا بحبه قوي و بفضل أتفرج على مجهوده و لعبه و مشواره كل ما يبقى ما عنديش شغل عشان هو قصة فعلاً تستحق المتابعة و إن الواحد يتأثر بيها بالطريقة دي ربنا يحفظك يابني حبيت أشارككم حبي للأسطورة ده.

تامر حسني يحيي حفل غنائي في فرنسا 

يذكر أن تامر حسني قد أحيا مؤخرا حفل غنائي في فرنسا وألمانيا، والذي تحدث عن مخاوفه من أن يكون الحفل فارغا، قائلا: جمهور فرنسا العظيم من كل الجاليات العربية والأجنبية، مش عارف أشكركم إزاي على محبتكم وعددكم العظيم اللي قفل شوارع فرنسا. بجد فرحتوني من قلبي وألف ألف شكر، نورتوني وشرفتوني ورفعتوا راسي.

وتابع: بنتي كانت بتقولي قبل الحفلة وإحنا في الطريق: 'يا بابا، إنت معروف في الوطن العربي بس مش لدرجة فرنسا، أنا خايفة ميكونش في حد قولتلها: خليها على الله، إن شاء الله هنرجع مبسوطين أنا وإنتي وفعلاً ربنا فرحنا وحقيقي كانت حفلة أفخر إنها في تاريخي.

اخر أعمال تامر حسني 

يذكر أن تامر حسني طرح مؤخرا البوم غنائي جديد ضم كلا من أغنية "لينا معاد" التي لاقت صدى واسعًا لدى الجمهور، إلى جانب أغنية "الاحتياج وحش" و"حبك لو غلطة"، كما تضمن الألبوم عددًا من الدويتوهات المميزة التي جمعته مع كبار الفنانين، من بينهم محمد منير في أغنية "الذوق العالي"، والشامي في أغنية "ملكة جمال الكون"، ورامي صبري في أغنية "فعلاً مبيتنسيش".