علقت جهاد زوجة مطرب المهرجانات عصام صاصا على الانتقادات اللاذعة التي تعرضت لها في الآونة الأخيرة، بعد ظهورها على مواقع التواصل الاجتماعي بعد الحكم على زوجها بالحبس في تهمتي التزوير والقيادة تحت تأثير المخدرات.
وقالت جهاد خلال مقطع فيديو نشرته عبر خاصية “ستوري” على موقع تبادل الصور والفيديوهات “إنستجرام”: “الكلام بيفرق في النفسية سواء حلو أو وحش وبلاش كلامكم السخيف أنا عندي أهل وعندي ابن وجوزي اللي كان مخليني مش محتاجة أي حاجة وأنا برضو هخليه مش محتاج حاجة وهموت نفسي شغل ليل نهار علشان أي حاجة جوزي يطلبها تبقى موجودة”.
وتابعت: “بلاش تقولوا هي الفلوس اللي معاكم راحت فين.. في فلوس محامي وفي فلوس دية اتدفعت في 4 شهور كان حالنا واقف وعندنا 3 بيوت مفتوحين والراجلين اللي في البيت مش موجودين قدروا ده أنا مبطلعش أشحت أو أقول لحد هات جنيه أنا بطلع اشتغل.. الأغاني اللي بتنزل على التيك توك ده شغل بتقولوا أنتي بالك رايق تعملي تيك توك لو أنتي شايفة أن بالي رايق ادعي ربنا يخلي عندك نفس روقة البال”.
واختتمت جهاد حديثها قائلة: “أنا امبارح رحت عزاء عملت الواجب وبعد كده نزلت شغل وطلعت لايف مع صحابي ده مش معناه إني مش زعلانة.. بعيد عن إنها صاحبتي أي حد هيشوف حادثة زي دي هيتأثر وهيزعل وأنا براعي حرمة الميت وظروف صاحبتي بس أنا برضو ظروفي بتخليني ملزمة أنزل الشغل”.
- بعد أيام من الطلاق.. فنان عربي يعود لزوجته البلوغر
- بعد انهيارها.. جهاد طليقة عصام صاصا تدعم رحمة محسن
- مؤسس «أمهات مصر» تتابع استعدادات امتحانات شهر أكتوبر.. وأولياء أمور: «مش لاقيين وقت بسبب التقييمات»
- منى زكى: لا أخطط لإثارة الجدل فى أعمالى وأصحاب ولا أعز تجربة غير محسوبة
- المشهد كان مفاجئًا جدًا.. رئيس الجالية المصرية بألمانيا يكشف كواليس القبض على نائب رئيس اتحاد شباب المصريين بالخارج (فيديو)
