السبت 08/نوفمبر/2025 - 09:53 م 11/8/2025 9:53:45 PM
كشف الفنان صالح عبد النبي، عن تجربته الخاصة في الزواج مرتين، قائلًا: “أول مرة تزوجت فيها كانت بدافع البحث عن الونس”، معقبًا: "كنت حاسس إني لوحدي، وعايز حد معايا، وده كان تفكير غلط جدًا، لأن الزواج ونس لكن مع البني آدم الصح، خاصة وأن زواجي الأول استمر 7 أشهر".
وأضاف الفنان صالح عبد النبي، خلال لقاءه ببرنامج "ست ستات" الذي تقدمه الإعلامية سالي شاهين، عبر قناة dmc: “اكتشفت بعد ذلك أنني أستطيع العيش وحيدًا، خاصة وأني عشت لوحدي 10 سنوات في مصر ودبي، لكنني تزوجت للمرة الثانية عندما وجت الإنسانة اللي فهماني”، معقبًا: "أول ما تزوجت قلت لمراتي إنتي هتضيفي لي حاجة في حياتي، وأنا هضيف لكي حاجة، لكن إيه هي الحاجة دي، فده اللي هنكتشفه مع بعض".
وتابع: "دائمًا أقول إن الزواج هو الشيء الوحيد اللي مينفعش نجري وراه".
ووجه نصيحة للشباب والفتيات قبل الإقبال على الزواج، قائلا: "بالنسبة لفترة الخطوبة أي غلط ما تعديهوش، لأنك مش هتقدر تغير بني آدم، لو شفت إن فيه حاجة غلط ومش عاجباك في الشخص فده مش هيتغير، واجري وما تكملش في العلاقة، ودي نصيحة للولد والبنت، لأن أنا مشكلتي في أول زواج، إني في فترة الخطوبة شفت غلطات كتير أوي وتغاضيت عنها وكملت في العلاقة وقلت ممكن الحاجات دي تتغير بعد الزواج لكنها زادت".
- في لقاء صريح.. طه دسوقي يكشف محطات مؤثرة في حياته ورحلته مع الكوميديا
- بعد 5 سنوات من الزواج.. محمد علي رزق يحقق وعده لزوجته ويحتفل بزفافهما في دهب
- أحمد حسن لـ "ست ستات": مفيش راجل بيبقى ناوي يخون مراته بعد الجواز
- محمد أبو داوود لـ " ست ستات": السيدات هن أكثر من يقدمن تنازلات في العلاقات الزوجية
- محمد التاجي يكشف عن نصائحه لبناته عند زواجهن.. وطريقته في حل الخلافات
