كشفت الفنانة الكبيرة سميرة أحمد، عن العديد من الأسرار عن حياتها الشخصية والفنية، وذلك خلال لقاءها مع الإعلامي محمود سعد، وذلك بعد غياب طويل على الساحة الإعلامية.
تصريحات سميرة أحمد مع محمود سعد
وتحدث الفنانة الكبيرة سمير أحمد، عن العديد، من التصريحات الشخصية والفنية، وفقا لما رصده موقع تحيا مصر، في لقائها مع الإعلامي محمود سعد، في برنامج باب الخلق، قائلة: أنا وخيرية كنا غاويين تمثيل من بدري، واللي نفكر فيه أكتر بعد ما والدي تعب، وروحنا أنا وخيرية شارع عماد الدين، وبدأنا بالادوار الصامتة، وبعدين جميع الأدوار.
وتابعت سميرة أحمد: في مرة اخدت فستان اختي الكبيرة، عشان أقابل الاستاذ حسن الإمام، في فيلم قديم أوي ودخلت عشان أِشوفه، وقالي هتعمل الدور ومسك فستان اختي وقصه من الكم، ومعرفتش أصلحه وقلتلها لما اقبض هجبلك واحد تاني.
سميرة أحمد تكشف عن لقائها الأول بـ أنور وجدي
كما تحدثت عن لقاءها الاول بالفنان أنور وجدي، وليلى مراد، قائلة: أول مرة أنور وجدي شافني كان وسط بنات كتير واختارني وقالي تعرفي تقولي تشربي شامبنيا يا ليلى هانم، قلتله اه وانا مكنتش أعرف، وقلتلها الجملة ونزلت جري، ولما روحت أقبص كانت الادوار الصامتة بتاخد جنية واللي بيتكلم جنيه ونص، وادوني جنيه مه اني كنت بتكلم، فروحت لأنور وجدي وقلتله قالي روحي خدي الجنيه وانتي هتبقي نجمة كبيرة.
وتابعت: في فيلم البنات والصيف مع عبد الحليم، كان حلمي أمثل قدامه، ولاقيت المحرج صلاح أبو سيف بيكلمني، وافتكرت انه بيعرض عليا الدور ولكن قالي هتلعب دور الخدامة فتحية قالتله لا، قالي اقرائي السيناريو ده وده وقرري، وبالفعل طول الليل فضلت أقرا في السيناريو والصبح كلمته وقلتله هعمل دور الخدمة، وأجري في الفيلم كان 400 جنيه وكان من أحلى الادوار الي عملتها في حياتي.
سميرة أحمد تتحدث عن وفاة سعاد حسني
وكشف الفنانة سميرة أحمد، عن وفاة الفنانة سعاد حسني، خلال برنامج باب الخلق، قائلا: اول ماشفت جثمان سعاد حسني، قلت أخس عليكي يا زوز، وبصيت ورايا وقلت لـ نادية يسري سعاد رمت نفسها ازاي، قامت زعقت فيا وقالتلي مش هقولك وقلت الست دي هي اللي قتلت سعاد.
0 تعليق