تحدث شريف حازم، مدافع الأهلي السابق، عن تأثير غياب بعض اللاعبين على أداء الفريق خلال الفترة الأخيرة، مؤكدًا أن إصابة الجناح حسين الشحات تمثل خسارة كبيرة للفريق، لما يتمتع به اللاعب من قدرات فنية وسرعة ومرونة تجعل إيقافه مهمة صعبة على أي دفاع، ويستعرض تحيا مصر التفاصيل. 

شريف حازم: غياب حسين الشحات مأثر مع الأهلي 

وقال شريف حازم في تصريحات على برنامج اللعيب مع مهيب عبد الهادي: “أنا بالنسبالي غياب حسين الشحات مأثر في الأهلي زي غياب إمام عاشور بالضبط الاتنين دول بيفرقوا جدًا في شكل الفريق الهجومي، وبيخلوا التحركات أكتر حيوية وسرعة”.

وأضاف: “حسين الشحات من نوعية اللاعبين اللي صعب تتوقع هو هيعمل إيه بيعدي من هنا وهنا، عنده سرعة في القرار، ومهارة بتخليه دايمًا سابق المدافع بخطوة لما يكون في حالته، بيشكل خطر مستمر على أي فريق، وبيفتح مساحات كبيرة لزمايله”.

وقارن شريف حازم بين أسلوب لعب الشحات وبعض اللاعبين الآخرين في الفريق، قائلًا: “زيزو مثلا ممكن تتوقع لعبه وتقفل عليه، لكن حسين الشحات مختلف تمامًا، صعب جدًا تتوقع تصرفه في الكورة، وده بيخلي الدفاعات دايمًا في حالة توتر لما يكون في الملعب”.

وأشار مدافع الأهلي السابق إلى أن غياب مثل هذه النوعية من اللاعبين يؤثر على أداء الفريق ككل، خاصة في المباريات الكبيرة التي تحتاج إلى لمسة إبداعية غير متوقعة. 

وقال: “اللاعيبة دي هي اللي بتفرق في الماتشات المقفولة، اللي محتاجة فكرة أو مهارة تفتح الدفاع، حسين الشحات من النوع ده، وده سبب إن الأهلي بيتأثر بغيابه”.

شريف حازم يتوقع الفائز بكأس السوبر المصري 

أكد شريف حازم، مدافع الأهلي السابق، أن النادي الأهلي يظل المرشح الأقرب للتتويج ببطولة السوبر المصري، رغم التراجع الواضح في مستوى الفريق خلال الفترة الأخيرة.

وقال حازم: “الأهلي وحش دلوقتي طبعاً، أنا كنت متوقع إنه يكسب كل الماتشات بثلاثة وأربعة أهداف، لكن اللي حصل العكس، الأداء تراجع واللاعبين مش مركزين خالص، مفيش روح ولا حماس زي زمان، وكورة الأهلي بقت مش حلوة خالص”.

ورغم هذا النقد، شدد شريف حازم على أن شخصية الأهلي وبطولاته تجعل منه المرشح الأول دائماً في أي منافسة، مضيفًا: “حتى لو الأهلي مش في أحسن حالاته، مينفعش نستبعده من الترشيحات الأهلي دايماً بيكون الطرف الأقوى في أي بطولة، حتى لو ما فازش بيها في النهاية”