أكد سيد عبد الحفيظ، نجم النادي الأهلي السابق ومدير الكرة الأسبق، أن العلاقة بين الأهلي والزمالك يجب أن تظل قائمة على الاحترام والتنافس الشريف، مشددًا على أن مفهوم الاحتراف في كرة القدم لا يتعارض مع تلك الروح مهما بلغت حدة المنافسة بين الناديين، ويستعرض تحيا مصر التفاصيل. 

سيد عبد الحفيظ: الاحتراف ملوش علاقة بالتعصب 

وقال عبد الحفيظ في تصريحات مع مهيب عبد الهادي في برنامج اللعيب: “الزمالك هيفضل منافس محترم للنادي الأهلي، سواء على المستوى المحلي أو الإفريقي، والمنافسة بين الفريقين دايمًا بتدي طعم خاص للبطولات”.

وأضاف موضحًا: “الناس لازم تفهم إن الاحتراف مالوش علاقة بالتعصب أو الانتماء لما الأهلي يضم لاعب من الزمالك، أو الزمالك يضم لاعب من الأهلي، ده مش تقليل من أي طرف دي كورة يا جماعة، والاحتراف موجود في كل مكان في العالم”. 

وأشار عبد الحفيظ إلى أن فكرة انتقال اللاعبين بين القطبين ليست جديدة على الكرة المصرية، قائلاً: “شفنا قبل كده لاعبين كبار انتقلوا بين الناديين، ونجحوا في تقديم مستويات مميزة، لأن في النهاية اللاعب المحترف بيحترم عقده وجمهوره الجديد”.

وتابع: “لما آخد لاعب من الزمالك، يبقى كده أنا مش باحترم الزمالك؟ لا طبعًا بالعكس، ده دليل إن الزمالك عنده لاعبين مميزين، والأهلي بيبحث عن الأفضل لتدعيم صفوفه والعكس صحيح لو الزمالك تعاقد مع لاعب من الأهلي”.

وأكد أن الاحتراف هو لغة المستقبل في كرة القدم الحديثة، قائلاً: “الزمن اللي كنا بنشوف فيه الكورة بالعاطفة فقط خلاص انتهى النهاردة في احتراف، في استثمار، في تخطيط، واللاعب بيتعامل على إنه قيمة فنية وتسويقية في نفس الوقت”.

واختتم عبد الحفيظ تصريحاته مؤكدًا: “أنا ضد أي تعصب أو إساءة بين جماهير الناديين الأهلي والزمالك أكبر من أي خلاف، والمنافسة بينهم دايمًا كانت السبب في تطور الكرة المصرية ورفع اسمها في إفريقيا”. 

سيد عبد الحفيظ: قالب سيد عبد الحفيظ دلوقتي هو قالب قيادة للنادي الأهلي 

وقال عبد الحفيظ في تصريحات مع مهيب عبد الهادي في برنامج اللعيب: “قالب سيد عبد الحفيظ دلوقتي هو قالب قيادة للنادي الأهلي ربنا يوفقنا في اللي جاي ونقدر نعمل حاجة للنادي الموضوع مختلف تمامًا عن قبل كده، المرحلة دي محتاجة فكر إداري وتنظيم أكتر من أي وقت”.

وأضاف: “العمل الجماعي هو أهم وأنجح نوع من الشغل ممكن يحصل في أي مكان ممكن شخص يكون بسيط جدًا، لكن لما يشتغل داخل نظام ناجح، بيقدر ينجح لأن السيستم مظبوط وده بالضبط اللي بيميز النادي الأهلي”.