"يا أنا يا الشغل".. "ست ستات" يعرض قصة سيدة يخيرها زوجها بين ترك عملها أو الطلاق

عرضت الإعلامية شريهان أبو الحسن، قصة لسيدة متزوجة يخيرها زوجها بين ترك عملها أو الانفصال، قائلة: إن فيه بنات بيقولوا لنفسهم كل يوم "أنا نفسي أسيب الشغل وأتستت في بيتي مع جوزي وأولادي، وفيه ستات كتير وهما راجعين تعبانين من الشغل ومستنيهم شغل أكتر في البيت بيقولوا لنفسهم "امتى ربنا يتوب علينا؟" لكن وقت الجد لو الراجل قال لمراته اقعدي من الشغل وأعطيكي إللي إنتي عايزاه وكل طلباتك مجابة.. في ستات بالنسبة لها ده حلم، وستات بالنسبة لها ده كابوس، ومنهم صاحبة رسالة اليوم، اللي جوزها بيقول لها "يا أنا يا الشغل". 

وأضافت الإعلامية شريهان أبو الحسن خلال تقديمها برنامج "ست ستات" المذاع عبر قناة dmc، أن صاحبة الرسالة تقول إنها متزوجة منذ 10 سنوات ولديها ولدين، أحدهما 8 سنوات، والآخر 4 سنوات، تزوجت بعد قصة حب، وتعرفت على زوجها عن طريق الشغل، خاصة وأنها تعمل في شركة كبيرة وناجحة في عملها، وكان زوجها عميل لديها.

وذكرت الإعلامية ما قالته صاحبة الرسالة: "في الأول مكنش فيه مشاكل بيني وبين زوجي لأن طبيعة شغلي لم تكن مثل الآن، وكنت أعود إلى المنزل في مواعيد ثابتة، ولم أقصر أبدًا في بيتي، لكن من سنتين تم ترقيتي وأصبحت مسؤولة عن تيم كبير، وأصبحت طبيعة عملي تضطرني إلى التأخير ساعات ومن الممكن أن تصل إلى 12 أو 1 ليلًا، وأحيانًا أسافر في سفريات تابعة للشغل، وهذا لا يحدث كل يوم، وإنما حسب ظروف الشغل، وطبعا بكون متابعة أولادي طوال اليوم دقيقة بدقيقة، ومعايا ناس في البيت  تساعدني، وللأمانة أنا عمري ما دفعت مليم في البيت، دخلي كله ليا، ومرتبي أضعه في البنك، لا أشتري شيء للبيت إلا في الحالات الطارئة أو المصاريف الشخصية، وبقول كله لبيتنا ولأولادنا، لأن زوجي صاحب بيزنس خاص، ومن الممكن أن يحدث لديه مشكلة في أي وقت".

وتابعت: "المشاكل بيني وبين زوجي بدأت بسبب التأخير والسفر، وطلب مني ألا أسافر أو أتأخر مرة أخرى، وأنا حاولت، لكن غصب عني، حاولت أن أقلل من سفريات الشغل بحيث تكون مرة واحدة في الشهر، ولم يعجبه، واتهمني بالتقصير في البيت، وأنه محتاج يشعر إنه مثله مثل أي رجل يعود من عمله ليجد زوجته في انتظاره، والمشاكل بدأت تزيد، وفي آخر مرة كان عندي سفرية وقالي ما تسافريش، لكن لم أستطع الاعتذار عن السفرية، وقعدت في السفر 3 أيام فقط، على الرغم من  أنه من المفترض أنها تستغرق أسبوع، وعندما رجعت وجدته تارك البيت وواخد العيال معاه/ ولما اتصلت به، قالي أنا صبرت عليكي كتير، ويا تسيبي الشغل يا نطلق، وده آخر كلام عندي، وبلغيني بردك بعد كده عن طريق أخوكي لأن أنا هعملك بلوك".

وأردفت: "أنا مش عارفة أتصرف إزاي، وهو رافض حتى إني أخد إجازة بدون مرتب سنة، رغم إني مش عايزة أعمل كده، وصعبان عليا تعب السنين والمكانة اللي وصلت لها في شغلي، ومش شايفة إني مقصرة في البيت".