على طريقة رضوى الشربيني.. هيدي كرم توجه نصيحة للسيدات "متبقيش جدعة"

حرصت الفنانة هيدي كريم على توجيه نصيحة للسيدات وذلك خلال فيديو على حسابها الرسمي بموقع تبادل الصور والفيديوهات انستجرام، موجهة حديثها إلى السيدة الصبورة والتي تطلع على نفسها "الست الجدعة".

هيدي كريم توجه نصيحة للسيدات 

وقالت هيدي كرم في فيديو رصده موقع تحيا مصر على حسابها الرسمي بموقع تبادل الصور والفيديوهات انستجرام: لما تقعي في مشكلة أو أزمة، وتحسي انك محتاجة حد تتسندي عليه ومتلاقيش حد معاكي متلوميش غير نفسك، لأنك لما جيتي تعملي دور الست القوية وعملتي سبع رجالة في بعض.

وتابعت هيدي كرم حديثها: فأما تيجي تقعي مش هتلاقي حد جنبك عشان كلهم هيشفوكي الست الجامدة الفظيعة اللي هتعرف تعمل كل حاجة لوحدها وأول حد هيعمل كدة جوزك واهلك.. بطلي تلعبي دور السوبر ومان محدش هيصقفلك في الاخر ولا هيعملولك تمثال.

هيدي كرم للسيدات: مش عيب تضعفي.. العيب انك تبقى فاكرة نفسك أقوى من الظروف 

واختتمت هيدي كرم حديثها: مش عيب أما الإنسان يضعف ويقول أنا محتاج مساعدة، ومش عارف اعمل ايه، اطلبي المساعدة من جوزك ومن صحابك.. العيب انك تفتكري انك تعرفي تعملي كل حاجة لوحدك وتبقى طول الوقت فاكرة انك أقوى من الظروف واللي بيحصلك في حياتك.

وسبق وأثارت هيدي كرم الجدل بتصريحاتها التي قالت فيها: اتربينا على أنه انتي مش لازم تبقي مادية ولا تبصي للفلوس ولا تطلبي من جوزك في طاقته وتحميله حاجات ميقدرش يعملها، ولا تطلبي اي طلبات مادية زي هدية غالية أو عربية غالية أو يكتبلك بيت باسمك عشان لازم يكون عندك كرامة.

هيدي كرم تثير الجدل بنصائحها الغريبة للسيدات 

واختتمت: انتي وقفتي معاه ودعمتيه وكويتي هدومه وطبختيله طبخته وربتيله عياله وده وجبك مختلفناش، بس عملتيه بأكمل وجه، والشكر مش بس بالبق الكلام سهل ولكن لم يقدر ماديا ويدفع فيكي فلوس هتحسي بالتقدير الحقيقي وانك متأمنة ماديا والأهم أما يجي يزعلك هيشوف قدامه أصفار كتير اوي هتاخديها منه وانتي ماشية، فهتبقي غالية وعزيزة وادفع فيكي فلوس كتير أوي فهتبقي بالنسبة ليه استثمار.