علقت الفنانة سما المصري على واقعة الاعتداء على مسن السويس، والذي تصدر محركات البحث لأيام، وهز مواقع التواصل الاجتماعي المختلفة، وخلع قلوب عدد من المشاهدين، ملقنة المعتدي عليه درسا قاسيا.

سما المصري توجه رسالة للمعتدي على مسن في السويس

وكتبت سما المصري في منشور رصده موقع تحيا مصر على حسابها الرسمي بموقع تبادل الصور والفيديوهات انستجرام: ربنا يبارك في الظابط اللي ظبطلك وشك وعملك المكياج الحلو دا مع أنه ظابط حنين وأيده خفيفه عليك شكله ابن ناس وظابط متربي ... انت كنت عايز عربيه نقل تعدي علي وشك وايدك وتساويهم بالأرض عشان تاني مره مايبقاش عندك ايد تمدها علي راجل في سن ابوك.

وتابعت سما المصري: بص عقاب الدنيا اخدته ذل واهانه من الناس ولسه لما تكبر وابنك يلزعك نفس القلم اللي ضربته للراجل الطيب اللي لا حول له ولا قوه... هيترد لك نفس القلم بس من ابنك وعقاب الاخره دا باه ربنا يتولاك بيه... تفووو عليك.

تعليق صلاح عبدالله على واقعة مسن السويس 

ولم تكن سما المصري هي الوحيدة التي علقت على تلك الواقعة، حيث كتب صلاح عبدالله: بيضربوا أبويا.. الجملة اللي قطعت قلبي وقلوب كل الطبيعيين طول الليل.

وكانت سما المصري قد تصدرت التريند بسبب تعرضها لأزمة مرضية، حيث أعلنت عنها، قائلة: ربنا يشفيني ويشفي كل مريض يارب... اليوم من المستشفى ولسه التحاليل والأشعات مستمرة لمعرفة سبب الألم... ادعولي... ربنا كريم، وكل اللي يجيبه حلو... الحمد لله.

سما المصري تعلن توبتها 

يذكر أن سما المصري بشكل مفاجئ، قد أعلنت توبتها وارتداءها الحجاب، فقالت في فيديو عبر تيك توك، تفاعل معه الجمهور بشكل كبير ومنهم من ظن أن تفعل ذلك من أجل التريند وستعود مرة أخرى إلى ما كانت عليه، حيث قالت: استروا عليّا.. اللي عنده فيديو وحش ليا يشيله أنا تعبانة ومش قادرة أعيش، تبت لربنا وربنا تاب عليا. يا رب تقبلها مني علشان خاطري. أنا مش هبيّن شعري ولا جسمي تاني. ساعدوني، أنا هقفل كل حاجة وهاكسب بالحلال.