شيكو لـ«الدستور»: منتخب مصر لعب بروح الأبطال وفرحتنا بالتأهل تاريخية

احتفل الفنان شيكو بفوز المنتخب المصري علي استراليا والتأهل لدور ال 16 من بطولة كأس العالم 2026، مؤكدًا أن المنتخب منح الجماهير فرحة استثنائية ستظل عالقة في أذهان الجميع لفترة طويلة.

وقال شيكو في تصريحات خاصة لـ«الدستور» أنا مش قادر أوصف فرحتي بعد المباراة، بجد المنتخب لعب بروح رجالة، وكل لاعب قاتل في الملعب علشان يفرّح الشعب المصري. الإحساس إن مصر وسط كبار العالم حاجة تخلينا كلنا فخورين جدًا.

و أضاف المباراة كانت صعبة جدًا، لكن لاعيبة منتخبنا أثبتوا إنهم قد التحدي، وإن عندهم شخصية قوية وإصرار لآخر دقيقة. الناس كلها كانت عايشة حالة توتر وفرحة في نفس الوقت، والحمد لله النهاية كانت تاريخية.

وتابع النجم شيكو أكتر حاجة أسعدتني إن المصريين كلهم اتجمعوا على الفرحة، الشوارع والبيوت والسوشيال ميديا كلها كانت بتحتفل بشكل يفرح القلب. دي لحظات بنستناها سنين طويلة.

و اختتم شيكو تصريحاته قائلًا: "المنتخب لسه عنده كتير يقدمه، وإن شاء الله نكمل المشوار ونحقق حلم كل المصريين. مبروك يا رجالة المنتخب رفعتوا راسنا وفرحتونا من قلبنا.

منتخب مصر يصعد لدور ال 16 في كأس العالم 

وحقق منتخب مصر فوزا تاريخيا أمام نظيره الاسترالي في دور الـ32 بركلات الترجيح، ليكون علي موعد مع نظيره الأرجنتيني في دور الـ16 بكأس العالم 2026.

و تحولت منطقة المشجعين "الفان زون" بالعاصمة الجديدة إلى ساحة من البهجة، عقب نهاية مباراة منتخب مصر وأستراليا، وتأهل الفراعنة رسميًا إلى دور الـ16 فى نهائيات كأس العالم 2026.

و يخوض منتخب مصر الأول مباراته القادمة أمام المتأهل من المنتخب الارجنتيني فى دور الـ16 بكأس العالم 2026 يوم الثلاثاء المقبل فى تمام السابعة مساء بتوقيت القاهرة.