أعربت بسمة وهبة، مقدمة برنامج "90 دقيقة" على قناة "المحور"، عن سعادتها بانخفاض أسعار الطماطم والبيض، قائلة على الهواء:“الطماطم والبيض رخصوا يا جدعان” حيث قامت بإعداد "شكشوكة" على الهواء.

وأشارت إلى أن تراجع الأسعار انعكس بشكل مباشر على الحياة اليومية للمواطنين، مؤكدة أن الطماطم أصبحت متاحة مجددًا للاستخدام بصورة طبيعية بعد فترة من ارتفاع الأسعار.

وقالت بسمة: "الطماطم رخصت والبيض رخص، كنا الأول بنقول إنه مش قادرين حتى نحط الطماطم في السلطة، يعني الطماطم دي بتتحط في أكل كتير، لكن السلطة مكناش، دلوقتي بقى كنا بنعمل خضرة بس، طلعنا الطماطم، كنا بنشمم الخضرة طماطم، دلوقتي إحنا هنعمل طماطم بالخضرة".

وأضافت في أجواء من المرح والتفاؤل:"يعني الخير كتير خلاص، والبيض برضه رخص، دلوقتي ممكن ناكل شكشوكة"، في إشارة إلى تحسن القدرة على شراء بعض السلع الغذائية الأساسية.